युहन्‍ना 3:2 - मध्‍य पुरविया थारू

² राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

युहन्‍ना 3:2 Referans Kwoze

युहन्‍ना 5:36

“महज युहन्‍नाके देल गबाहीयोसे बरका गबाही हमरलग छै। कथिलेत जे काम पुरा करैके लेल पिता हमरा देने छै, उ काम हम करैचियै आ ओह्‍या कामसब हमर बारेमे गबाही दैछै कि, पिते हमरा पठाइने छै।

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।

परेरित 2:22

“इजराएलके लोकसब, यि बात सुन, नासरतके येसु एहेन लोक छेलै, जकरा परमेस्‍वर सक्‍तिसाली कामसब, अच्‍चमके कामसब आ चेन्‍हासबसे तोरौरके अगा साबित करल्‍कौ। तोरौरके थाहे छौ कि परमेस्‍वर तोरासबके बिचमे यि सब कामसब ओकरसे कराइने छै।

युहन्‍ना 9:16

कोनो-कोनो फरिसीसब कहल्‍कै, “यि लोक परमेस्‍वर दिसनसे नै एलछै, कथिलेत उ पबितर बिसराम दिनके पालन नै करैछै।” महज दोसर लोकसब कहेलाग्‍लै, “जे पापी हेतै, उ एहेन अचमके चेन्‍हासब कनङके देखाइले सक्‍तै?” अहै बातमे ओइसबके आपनमे मतभेद भ्‍यागेलै।

युहन्‍ना 12:37

येसु लोकसबके अगा बहुतो अजगुतके कामसब करल्‍कै, तैयो उसब ओकरमे बिस्‍बास नै करल्‍कै।

युहन्‍ना 1:38

येसु पछामाथे घुइमके ताकल्‍कै त ओइसबके आपन पछा लागल देखके पुछल्‍कै, “तुसब कथी ताकैचिही?” उसब जबाब देल्‍कै, “रब्‍बी, (जकर अरथ गुरु जी चियै) अहाँ कते रहैचियै?”

मतीके लिखल सुसमाचार 22:16

उसब आपन कुछ चेलासब आ हेरोद रजाके दलके कुछ लोकसबके येसुलग एहेन कहैले पठेल्‍कै, “हे गुरु जी, हमसब जानैचियै कि अहाँ सत चियै आ परमेस्‍वरके साँचे सत बाट देखाइचियै। लोकसब कथी कहतै तैके कोनो बास्‍ता नै राखैचियै कथिलेकी अहाँ ककरो पक्‍छपात नै करैचियै।

युहन्‍ना 7:31

तैयो भिरके बहुतो लोकसब ओकर उपर बिस्‍बास करल्‍कै। तब उसब कहल्‍कै, “जब खिरिस्‍ट एतै, तब कि उ यि लोकके करलहासे बेसी अजगुतके कामसब करतै?”

युहन्‍ना 20:16

तब येसु मरियमके कहल्‍कै, “मरियम!” उ घुइमके हिबरु भसामे कहल्‍कै, “रब्‍बी!” जकर अरथ “गुरु जी” चियै।

युहन्‍ना 15:24

हम तोरासबके बिचमे जे काम करने छेलियौ, उ काम औरो दोसर नै करने छै। यदी उ काम हम नै करने रहतियै त, उसब पापके दोसी नै हेतियै। महज हमर करल अजगुत कामसब देखियोके उसब हमरा आ हमर पिता दुनोगोराके घिरना करैछै।

युहन्‍ना 3:26

उसब युहन्‍ना लग आइबके कहल्‍कै, “गुरु जी, यरदन लदीके ओइपार जे अहाँसङे रहै, जकर बारेमे अहाँ गबाही देने रहियै, से बप्‍तिस्‍मा द्‍यारहलछै आ सब गोरा ओकरे लग जाइछै।”

मरकुस 12:14

उसब येसु लग आइबके कहल्‍कै, “गुरु जी, हमसब जानैचियै कि, अहाँ सहि बात बोलैचियै आ ककरो पक्‍छपात नै करैचियै। अहाँ त परमेस्‍वरके सत-सत बात सिखाइचियै। आब हमरासबके कहु, हमसब कैसरके कर तिरबै से उचित छै कि नै?”

फिलिप्‍पी 1:14

हम जहलमे परलाके कारन बहुतो भाइ-भैयासब परभुमे साहसी भेलछै आ परमेस्‍वरके बचन निडर भ्‍याके परचार करैले साहस पाबनेछै।

मतीके लिखल सुसमाचार 23:7

चौक चौराहामे नमस्‍कारपाती चाहैछै आ लोकसबसे गुरु कहे कैहके चाहैछै।

मतीके लिखल सुसमाचार 23:8

“तोरासबके कोइ गुरु नै कहौक कथिलेत तुसब त भाइ-भाइभैयारीसब चिही। तोरासबके एकेटा मातरे गुरु छौ।

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 4:31

ओह्‍या बखत चेलासब येसुके बिन्‍ती करैत कहल्‍कै, “गुरु जी, कुछ ख्‍या लिय।”

युहन्‍ना 6:2

लोकसबके बरका भिर येसुके पछा-पछा जाइलेलाग्‍लै, कथिलेत रोगी-बिमारीसबके उपर करलहा येसुके अचमके कामसब उसब देखने रहै।

युहन्‍ना 10:38

महज यदी हम पिताके काम करैचियै तबो तुसब हमरा बिस्‍बास नै करैचिही त हमर करलाहा अजगुतके कामसबमे त बिस्‍बास कर। तब तुसब जानबिही आ बुझबिही, कि पिता हमरमे छै आ हम पितामे चियै।”

युहन्‍ना 14:10

‘हम पितामे चियै आ पिता हमरमे छै’ से कि तु बिस्‍बास नै करैचिही? जे बात हम तोरासबके कहैचियौ, से बात हम आपने मनसे नै कहैचियौ। महज हमरमे रहैबला पिता यि कामसब करैछै।