युहन्‍ना 3:19 - मध्‍य पुरविया थारू

¹⁹ इजोत सन्‍सारमे एलछै आ लोकसब इजोतके बदला अन्‍हारके परेम करल्‍कै। कथिलेत ओइसबके काम दुस्‍ट छेलै। अहै कारन उसब दोसी ठहरतै।

युहन्‍ना 3:19 Referans Kwoze

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

२ थेसलोनिकी 2:12

अहिनङे जे कोइ सतमे बिस्‍बास नै करल्‍कै आ अधरम मे मग्‍न रहतै उसब दोसी ठहरालजेतै आ सजायके भागिदार हेतै।

रोमी 2:8

महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।

युहन्‍ना 12:43

कथिलेकी उसब परमेस्‍वरके परसन्‍सासे लोकके परसन्‍सा बेसी मन पराइछेलै।

रोमी 1:32

एहेन लोक मिरतुके योग्‍यके हैछै कैहके परमेस्‍वरके धारमिक नियम जानियोके उसब यि कामसब करैछै। ओतबे नै, वोहन काम करैबलासबके औरो उस्‍काबैछै।

युहन्‍ना 5:44

तुसब एक-दोसरसे आदर खोजैचिही, महज परमेस्‍वरसे ल्‍याल आदरके कोनो वस्‍ते नै करैचिही त, तुसब कनङके बिस्‍बास करे सकबिही?

२ पतरुस 3:3

सबसे पहिने तोरासबके यि बुझैले परतौ कि, अन्‍तके दिनमे अधलाह लोक आपन स्‍वारथ चाहना बाहेक औरो किछो नै सोच्‍तै। उसब तोरासबके खिसी करैत कहतौ,

युहन्‍ना 1:4

बचन सिरिस्‍टी भेल सब चिजके जिबन दैबला छेलै। यि जिबन दैबला लोकसबके लेल इजोत छेलै।

लुका 12:47

“आपन मालिकके इक्‍छा जाइनके तयार नै रहै आ करैबला काम नै करैछै तेहन मुखियाके मालिक सजायके भागिदार बनेतै।

१ पतरुस 2:8

पबितर धरमसास्‍तर कहैछै, “एह्‍या पथल चियै जैमे लोकसबके ठेस लागैछै। एह्‍या चट्‍टान चियै जैमे लोकसब खसैछै।” कथिलेकी परमेस्‍वरके बचनमे बिस्‍बास नै करैबला ठेस लाग्‍तै कैहके तोकल छेलै।

युहन्‍ना 7:7

सन्‍सारके लोकसब तोरासबके घिरना नै करे सक्‍तौ, महज हमरा त घिरना करैछै, कथिलेत उसबके काम दुस्‍ट छै कैहके हम गबाही दैचियै।

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

लुका 16:14

यि बात सुइनके धनके लोभी फरिसीसब येसुके मजाक उराइल्‍कै।

युहन्‍ना 1:5

उ इजोत अन्‍हारमे चम्‍कैछै आ अन्‍हार कहियो नै इजोतके मुझाइले सकल छै।

युहन्‍ना 9:5

जाबेतक हम सन्‍सारमे चियौ, ताबेतक हम सन्‍सारके इजोत चियौ।”

युहन्‍ना 12:31

आब अइ सन्‍सारके नियाय हैबला समय चैल एलछै। अइ सन्‍सारके सासक बाहर निकालल जेतै।

युहन्‍ना 12:46

हम सन्‍सारके इजोत बैनके एलचियै, तैल्‍याके हमरा बिस्‍बास करैबला कोइने अन्‍हारमे रहतै।