युहन्‍ना 3:11 - मध्‍य पुरविया थारू

¹¹ साँचोके हम तोरा कहैचियौ, जे बात हमसब जानैचियै, ओह्‍या बात हमसब कहैचियै आ जे बात देखने चियै ओहैके गबाही दैचियै, महज तैयो तुसब हमरासबके गबाहीके सुइकार नै करैचिही।

युहन्‍ना 3:11 Referans Kwoze

युहन्‍ना 8:38

हम आपन पितासङे रहैबखत जे कुछो देखने चियै ओह्‍या बात बाजैचियै आ तुसब आपन पितासे जे सुन्‍ने चिही ओह्‍या करैचिही।”

युहन्‍ना 14:24

जे हमरा परेम नै करैछै, उ हमर बचनके पालन नै करैछै। जे बचन तुसब सुनैचिही, उ बचन हमर नै, महज हमरा पठाइबला पिताके चियै।

युहन्‍ना 12:49

कथिलेकी हम आपने मनसे नै बाजैचियै महज हम कथी कहबै आ बोल्‍बै तैके आदेस हमरा पठाइबला पिता आपनेसे देने छै।

युहन्‍ना 8:14

येसु ओइसबके जबाफदैत कहल्‍कै, “हम आपने बारेमे गबाही दैचियै, तैयो हमर गबाही सुइकारे जोकर छै। कथिलेत हम जानैचियै कि हम कतेसे एलचियै आ कते ज्‍यारहल चियै, महज तुसब यि बात नै जानैचिही कि हम कतेसे एलचियै आ कते ज्‍यारहल चियै।

युहन्‍ना 7:16

तब येसु उसबके जबाफ देल्‍कै, “हमर देल सिक्‍छा हमर नै चियै, महज ओकर चियै, जे हमरा पठाइल्‍कै।

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

युहन्‍ना 1:11

उ आपने लोकसबलग एलै, महज ओकर आपने लोकसब ओकरा सुइकार नै करल्‍कै।

लुका 10:22

“हमर पिता हमरा सबचिजके जिमा देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै आ बेटा ओकरा जकरलग परगट करैके इक्‍छा करैछै से औरो कोइ नै जानैछै।”

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परेरित 22:18

आ परभुके दरसन पाबलियै तब दरसनमे परभु हमरा कहल्‍कै, ‘हबर-हबर यरुसलेमसे जल्‍दीए चैल जो कथिलेत लोकसब हमर बारेमे देल तोहर गबाही नै सुइकारतौ।’

युहन्‍ना 5:43

हम आपन पिताके नाममे एलचियौ, महज तुसब हमरा सुइकार नै करैचिही। यदि कोइ आपने नाममे आबैछौ त, तुसब ओकरा सुइकार करैचिही।

युहन्‍ना 3:13

स्‍वरगसे उतैरके एल हम मानबके बेटा बाहेक कोइ नै स्‍वरगमे चरहल छै।

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

युहन्‍ना 3:3

येसु निकोदेमसके कहल्‍कै, “साँचोके हम तोरासबके कहैचियौ, जाबेतक फेनोसे लोक नया कैरके जलम नै लेतै ताबे तक उ परमेस्‍वरके राज देखे नै सक्‍तै।”

मतीके लिखल सुसमाचार 23:37

“ए यरुसलेमके लोकसब! तु अगमबक्‍तासबके मारैचिही आ परमेस्‍वर तोरासबलग पठेल्‍हासबके पथलसे मारैचिही। जनङ मुरगा आपन बच्‍चासबके डेन तरमे राखैछै, ओहिने हम बहुतो बेर तोहर बच्‍चासबके बचाइले चाहलियै, महज तु नै मानलिही।

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

परकास 3:14

“लाउडिकियाके मन्‍डलीके देख-भाल करैबला दुतके यि लिख: ‘परमेस्‍वरके सिरिस्‍टीके सासक, जे बिस्‍बास योग्‍य, साँचो साक्‍छी आ आमेन चियै, उ अनङ कहैछै।

युहन्‍ना 3:12

हम अहै सन्‍सारके बात कहैचियौ त तुसब बिस्‍बासे नै करैचिही, यदी हम स्‍वरगके बात कहबौ त तुसब औरो कनङके बिस्‍बास करे सकबिही?

युहन्‍ना 8:26

तोरासबके बारेमे कहैबला आ नियाइ करैबला बहौत बातसब हमरसङे छै। महज हमरा पठाइबला सत छै आ हम जे ओकरसे सुन्‍ने चियै ओहे बात सन्‍सारके लोकसबके बताइचियै।