युहन्‍ना 21:16 - मध्‍य पुरविया थारू

¹⁶ येसु फेनसे ओकरा कहल्‍कै, “ऐ युहन्‍नाके बेटा सिमोन, कि तु हमरा परेम करैचिही?” उ कहल्‍कै, “हँ परभु, हम अहाँके परेम करैचियै से त अहाँ जाइन्‍ते चियै।” येसु कहल्‍कै, “हमर भेंरासबके देखभाल कर।”

युहन्‍ना 21:16 Referans Kwoze

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

१ पतरुस 5:2

तोरासबके जिम्‍मामे देल परमेस्‍वरके भेरासबके देखभाल कर। यि काम करकापमे पैरके नै महज खुसिसे परमेस्‍वरके इक्‍छा बमोजिम आ कोनो पैसा-कौरीके लोभसे नै महज सेबाके मन ल्‍याके कर।

१ पतरुस 2:25

कथिलेत तुसब हर्‌याल भेंरासब जखा छेल्‍ही, महज आब त तुसब आत्‍माके चरबाहा आ रक्‍छा करैबला लग घुइमके एलचिही।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

युहन्‍ना 18:25

ओइ बखत सिमोन पतरुस ठार भ्‍याके आइग ताइपरहल छेलै। उसब ओकरा कहल्‍कै, “कि ओकर चेलासबमेसे तुहु एक गोरे त नै चिही?” पतरुस इन्‍कार करैत कहल्‍कै, “हम नै चियौ!”

युहन्‍ना 18:17

तब देहरीमे पहरा दैबाली छौरी पतरुसके कहल्‍कै, “कि तुहु ओइ लोकके चेलासबमेसे एक गोरे त नै चिही?” पतरुस जबाफ देल्‍कै, “हम नै चियै!”

लुका 19:10

कथिलेत मानबके बेटा हरेल्‍हाके ताकैले आ बचाइले एलछै।”

मतीके लिखल सुसमाचार 26:72

फेनो पतरुस इन्‍कार करैत कहल्‍कै, हम किरिया ख्‍याके कहैचियौ, “ओइ लोकके चिन्‍हबो नै करैचियै।”

मतीके लिखल सुसमाचार 25:32

ओइ बखत पिरथिबीके सब जातीके लोकसब ओकर अगा जमा हेतै, जनङ चरबहा भेंरासबसे खसि-बकरीके अलग करैछै तहिने उ लोकसबके एकदोसरसे अगल करतै।

मतीके लिखल सुसमाचार 2:6

‘ऐ बेथलेहेम, यहुदिया परदेसके गाम! तु कोनो परकारसे यहुदिया परदेसके मुख नगरसबमेसे सासन करैबलासबमेसे ककरोसे कमजोर नै चिही, कथिलेत तोहरसे एक गोरा सासन करैबलाके जलम हेतौ, से हमर इजराएलके लोकसबके रखबारी करतै।’”

परकास 7:17

कथिलेत सिंहासनके बिचमे रहैबला थुमा ओकरासबके चरबाहा हेतै, ओकरासबके डोरियाइत जिबनके पानीके मुलमे लजेतै आ परमेस्‍वर ओकरासबके आँखके सब लोर पोइछदेतै।”

युहन्‍ना 21:17

येसु फेनसे तेसर बेर पतरुसके पुछल्‍कै, “ऐ युहन्‍नाके बेटा सिमोन, कि तु हमरा परेम करैचिही?” सिमोन पतरुसके मनमे चोट लाग्‍लै कथिलेकी येसु तिनचोटी “कि तु हमरा परेम करैचिही?” कैहके पुछल्‍कै। सिमोन ओकरा कहल्‍कै, “परभु, अहाँ त सब जान्‍बे करैचियै। अहाँ जानैचियै कि हम अहाँसे परेम करैचियै।” येसु ओकरा कहल्‍कै, “हमर भेंरासबके चरा।”