युहन्‍ना 21:15 - मध्‍य पुरविया थारू

¹⁵ उसबके ख्‍याल भेलाके बाद येसु सिमोन पतरुसके कहल्‍कै, “ऐ युहन्‍नाके बेटा सिमोन, कि तु औरो चेलासबसे बेसी हमरा परेम करैचिही?” उ कहल्‍कै, “जि परभु, अहाँ के थाहेछै कि हम अहाँके परेम करैचियै।” येसु ओकरा कहल्‍कै, “हमर पठरुसबके चरा।”

युहन्‍ना 21:15 Referans Kwoze

रोमी 15:1

अपनासब बिस्‍बासमे बौकार भेल लोकसब आपने मातरे खुसी नै बल्‍की बिस्‍बासमे कमजोर भेल लोकसबके धिरजसाथ सहायता करैले परतौ।

१ युहन्‍ना 4:19

हमसब एक-दोसरके परेम करैचियै कथिलेकी परमेस्‍वर हमरासबके पहनिये परेम करल्‍कै।

१ पतरुस 1:8

तुसब ओकरा नै देख्‍नेचिही तैयो परेम करैचिही। अखैन तुसब नै देखैचिही तैयो ओकरमे बिस्‍बास करैचिही आ बखाने नै करेसकैबला गौरबमय आनन्‍दमे तुसब खुसी चिही।

एफिसी 6:24

परभु येसु खिरिस्‍टके परेम करैबला सङे परमेस्‍वरके अनुगरह सबदिन रहे।

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।

युहन्‍ना 16:27

पिता आपनेसे तोरासबके परेम करैछौ, कथिलेत त तुसब हमरा परेम करनेचिही आ हम परमेस्‍वर लगसे एलचियै से तुसब बिस्‍बास करनेचिही।

१ पतरुस 2:25

कथिलेत तुसब हर्‌याल भेंरासब जखा छेल्‍ही, महज आब त तुसब आत्‍माके चरबाहा आ रक्‍छा करैबला लग घुइमके एलचिही।

हिबरु 4:13

परमेस्‍वरके नजरसे सिरिस्‍टीके कोनो चिज नै छुपलछै। ओकर नजरके सामने सब बात खुल्‍ला आ परस्‍टछै। ओकरे अपनासबके करल कामके लेखा दैलेपरतै।

लुका 22:32

महज तोहर बिस्‍बास नै डगमगावे कैहके हम तोहर लेल परथना करनेचियौ आ फेनो तु हमर दिसन घुइमके एलाकेबाद तोहर भाइसबके अस्‍थिर करा।”

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

रोमी 14:1

बिस्‍बासमे कमजोर भेल्‍हा लोकसबके सुइकार कर आ उसब जे बिचार करने छै, तैमे दोस लग्‍याके ओइसबसङे तरक नै कर।

मतीके लिखल सुसमाचार 16:17

येसु ओकरा कहल्‍कै, “हे योनाके बेटा सिमोन, तु धैनके चिही! कथिलेत यि बात तोरा लोकसे नै बल्‍की स्‍वरगमे रहैबला हमर पितासे परगट भेलछौ।

परकास 2:23

ओकर पछा लागैबला बेटा-बेटीसबके हम खतम करबै। तब सब मन्‍डलीसब थाह पाबतै कि हम वहे चियै जे सबके मन आ हिरदयके जाँच करैचियै। हम तोरासबके काम अनुसारके इनाम देबौ।

१ पतरुस 2:2

भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

युहन्‍ना 21:12

येसु ओइसबके कहल्‍कै, “आइबके खाइजो।” ओइ बखत कोनो चेलाके “अहाँ के चियै?” कैहके पुछैले हिम्‍मत नै भेलै कथिलेकी उसब उ परभु चियै कैहके जाइनगेल छेलै।

युहन्‍ना 21:7

तखुन येसुके सबसे बेसी परेम करैबला चेला पतरुसके कहल्‍कै, “उ त परभु चियै!” पतरुस यि बात सुनते मातर आपन बस्‍तर डारमे लपेटल्‍कै (उ काम करैके लेल बस्‍तर खोल्‍ने छेलै) आ तालमे झौफ देल्‍कै।

मतीके लिखल सुसमाचार 18:10

“होसियार रह, यि छोट बच्‍चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्‍वरगदुतसब स्‍वरगमे रहैबला हमर पिताके अगामे रहैछै।

एफिसी 4:14

तब अपनासब चलाक लोकसबके झुठा सिक्‍छाके हबासे जने ल्‍याजेतौ तने जाइबला छोट धिया-पुता जखा नै हो। ओइसबके बन्‍याल जाल झेलसे दोसरके बहकाइछै।

१ कोरन्‍थी 8:11

एहेन कमजोर बिस्‍बासी भाइ तोहर ग्‍यानके कारनसे नास हैछै, जकर खातिर खिरिस्‍ट मरलै।

युहन्‍ना 8:42

येसु ओकरासबके कहल्‍कै, “यदी परमेस्‍वर तोरासबके पिता रहतियौ त, तुसब हमरा मया करने रहतिही, कथिलेकी हम परमेस्‍वर लगसे एलचियै आ अखन हम अते चियै। हम आपन इक्‍छासे नै एलचियै, महज उ हमरा पठेने छै।

मरकुस 14:29

तब पतरुस येसुके कहल्‍कै, “सबकोइ अहाँके बिस्‍बासमे डगमगाएत महज हम नै डगमगाब।”

लुका 12:32

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

मतीके लिखल सुसमाचार 10:37

जे कोइ हमरा परेम करैसे बेसी आपन माँ-बाबुके परेम करतै, उ हमर चेला बने नै सक्‍तै। तहिनङे जे कोइ हमरा परेम करैसे बेसी आपन धियापुताके परेम करतै सेहो हमर चेला बनैले नै सक्‍तै।

युहन्‍ना 13:37

महज पतरुस कहल्‍कै, “परभु, हम अखुन कथिले पछा आबैले नै सक्‍बै? हम त अहाँके लेल जानो द्‍यादेबै।”

युहन्‍ना 1:42

अन्‍दिरियास सिमोनके येसु लग ल्‍यागेलै। येसु सिमोनके देखके कहल्‍कै, “तु युहन्‍नाके बेटा सिमोन चिही। देख तु केफास कहाइबिही।” (केफास गिरिक भसामे पतरुस कहैछै।)

मतीके लिखल सुसमाचार 26:35

पतरुस ओकरा कहल्‍कै, “अदी हमरा अहाँसङे मरैयो परतै त हम अहाँके कहियो नै इन्‍कार करब।” तब औरो चेलासब सेहो एह्‍या बात कहल्‍कै।

मतीके लिखल सुसमाचार 26:33

ओतबेहेकमे पतरुस येसुके कहल्‍कै, “सबकोइ अहाँके छोइर देत महज हम कहियो नै छोरब।”

परेरित 20:29

हम जानैचियौ कि, हम चैलगेलाके बाद तोरौरके बिचमे जङली नरहियासब एतौ आ जेरके बाकी नै राख्‍तौ।