युहन्‍ना 21:12 - मध्‍य पुरविया थारू

¹² येसु ओइसबके कहल्‍कै, “आइबके खाइजो।” ओइ बखत कोनो चेलाके “अहाँ के चियै?” कैहके पुछैले हिम्‍मत नै भेलै कथिलेकी उसब उ परभु चियै कैहके जाइनगेल छेलै।

युहन्‍ना 21:12 Referans Kwoze

परेरित 10:41

सबलोकके उ देखाब नै देल्‍कै महज हमरासबके उ पैहनैयेसे साक्‍छीके खातिर छान्‍ने रहै। उ मिरतुसे जिबित भ्‍याके उठलाके बाद हमसब ओकरसङे खान-पिन करलियै।

युहन्‍ना 16:19

उसब ओकरा पुछेके इक्‍छा करैछै से बात जाइनके येसु ओइसबके पुछल्‍कै, “‘कन्‍हिक देरके बाद तुसब हमरा नै देखबिही, तब कन्‍हीक देरमे फेनो हमरा देखबिही’ से हमर कहल बातमे कि तुसब आपसमे पुछा-पुछी नै करैचिही?

युहन्‍ना 21:15

उसबके ख्‍याल भेलाके बाद येसु सिमोन पतरुसके कहल्‍कै, “ऐ युहन्‍नाके बेटा सिमोन, कि तु औरो चेलासबसे बेसी हमरा परेम करैचिही?” उ कहल्‍कै, “जि परभु, अहाँ के थाहेछै कि हम अहाँके परेम करैचियै।” येसु ओकरा कहल्‍कै, “हमर पठरुसबके चरा।”

मरकुस 9:32

महज चेलासब यि बातके अरथ नै बुझल्‍कै आ ओकरसे पुछैयोले डराइछेलै।

युहन्‍ना 4:27

तहै बखत ओकर चेलासब घुइमके एलै आ उसब छक्‍क परलै जे येसु एकटा जनीसङे बात करैतरहै। महज “अहाँ कथी चाहैचियै?” या “अहाँ ओइ जनिसे कथिले बात करैचियै?” से बात कोइने कहल्‍कै।

लुका 9:45

महज चेलासब यि बात नै बुझल्‍कै, कथिलेत यि बात उसब नै बुझे कैहके उसबसे घोसरल छेलै। उसब यि बारेमे येसुसे पुछैले डराइछेलै।

मतीके लिखल सुसमाचार 22:46

कोइ जबाफ नै दैले सकल्‍कै। तब ओहै दिनसे कोइ येसुके कुछो पुछैले साहस नै करल्‍कै।

युहन्‍ना 21:11

सिमोन पतरुस नाहमे चहैरके जालके पखामे ताइनके आनल्‍कै। जालमे बरका-बरका एकसय तिरपनटा माछ छेलै तैयो जाल नै फाटलै।