युहन्‍ना 20:1 - मध्‍य पुरविया थारू

¹ रैबदिन मरियम मग्‍दलिनी भोरे चिहानमे एलै आ उ चिहानके मुहमे राखल पथल हट्‍याल देखल्‍कै।

युहन्‍ना 20:1 Referans Kwoze

मरकुस 16:9

[हप्‍ताके पहिन्‍का दिन येसु बिहान सबेरे जिके उठलै आ सबसे पहिने मरियम मग्‍दलिनी लग परगट भेलै। जकरसे येसु सात भुत आत्‍मासब निकाल्‍ने रहै।

मतीके लिखल सुसमाचार 27:60

आ उ चटानमे खुइनके बनल आपने लबका चिहानमे राइखके चिहानके मुहमे बरका पथल गुरकाके बन्‍द कैरदेल्‍कै आ ओतेसे चैलगेलै।

मरकुस 15:46

तब योसेफ छनगर सुतिके बस्‍तर किनके आनल्‍कै आ येसुके लहास कुरूससे निचा उताइरके ओइसे लपेटल्‍कै। तकरबाद चटानमे खाइध खुइनके बनाएल चिहानमे राखल्‍कै। ओइ चिहानके मुह बरका पथलसे झाइप देल्‍कै।

युहन्‍ना 20:26

ओकर आठ दिन बाद फेनसे येसुके चेलासब घरमे जम्‍मा भेलै आ थोमा सेहो ओकरेसबसङे छेलै आ केबार बन्‍द भेलोपर येसु भितर एलै आ ओइसबके बिचमे ठार भ्‍याके कहल्‍कै, “तोरासबके सान्‍ती मिले!”

युहन्‍ना 19:25

येसुके कुरूसके लगमे आपन माँ, आपन मौसी, क्‍लोपासके घरबाली मरियम आ मरियम मग्‍दलिनी ठारभेल छेलै।

परकास 1:10

परभुके दिनमे हम पबितर आत्‍मासे भरलछेलियै आ हमर पछा दिसन एकटा तुरहीके जखा अबाज हम अनङ कहैत सुनलियै।

मतीके लिखल सुसमाचार 27:64

तै खातिर अहाँ आग्‍या दियौ कि तिन दिनतक ओइ चिहानमे पहरा देल जाय। कहि एहेन नै हेबे कि ओकर चेलासब आइबके ओकर लहास चोराके लजाए आ लोकसबके कहे लागे कि उ मुरदामेसे जिबित भ्‍याके उठलै। तब अइबेरके धोखाके बात पहिल्‍काके धोखासे औरो खराब हेतै।”

१ कोरन्‍थी 16:2

हरेक हप्‍ताके पहिन्‍का दिन तुसब आपन-आपन कमाइ अनुसार कुछ अलग कैरके जम्‍मा करैतरह, ताकी हम तोहर लग एबौ त भेटी जम्‍मा करैले नै परे।

परेरित 20:7

जब हमसब हप्‍ताके पहिन्‍का दिनमे परभु-भोज खाइले जम्‍मा भेलियै। तब पावल बिहान सबेरे जाइके इक्‍छा करलाके कारन, उसबसङे बात-चित करैत-करैत अधा रात बित्‍लै।

मतीके लिखल सुसमाचार 27:56

ओइसबमेसे मरियम मग्‍दलिनी, याकुब आ योसेफके माँ मरियम आ जब्‍दियाके बेटासबके माँ छेलै।

मतीके लिखल सुसमाचार 27:66

तब उसब ज्‍याके चिहानके मुहमे बन्‍द करल पथलमे छाप लगेल्‍कै। सिपाहीसबके सुरक्‍छा करैले पहारा लगादेल्‍कै।

मतीके लिखल सुसमाचार 28:1

बिसराम दिनके बिहान अरथात हप्‍ताके पहिन्‍का दिन, एकदम भिनसरमे मरियम मग्‍दलिनी आ दोसर मरियम चिहान देखैले गेलै।

मतीके लिखल सुसमाचार 28:2

अचानक भुम्‍कौन भेलै कथिलेकी परमपरभुके एकटा स्‍वरगदुत स्‍वरगसे निचा उतरलै आ चिहानके मुहमे राखल पथल गुरकाके हटाइल्‍कै आ ओहिउपरमे बैठलै।

युहन्‍ना 11:38

तब येसु फेनो एकदम दुखित भ्‍याके चिहानके लगमे गेलै। उ चिहान एकटा सोइन छेलै, ओकर मुहमे एकटा बरका पथलसे झापल छेलै।

युहन्‍ना 11:41

तब उसब चिहानके मुहमे राखलहा पथल हटाइल्‍कै। तब येसु उपर दिसन ताइकके कहल्‍कै, “हे पिता, हम अहाँके धन्‍यबाद दैचियै, कथिलेत अहाँ हमर बिन्‍ती सुनलियै।