युहन्‍ना 19:9 - मध्‍य पुरविया थारू

⁹ उ फेनो दरबार भितर ज्‍याके येसुके पुछल्‍कै, “तु कतेके चिही?” महज येसु ओकरा कोनो जबाफ नै देल्‍कै।

युहन्‍ना 19:9 Referans Kwoze

युहन्‍ना 18:33

तब पिलातस फेनो दरबार भितर गेलै आ येसुके बोल्‍याके कहल्‍कै, “कि तु यहुदीसबके रजा चिही?”

फिलिप्‍पी 1:28

तुसब बिरोध करैबलासबसे नै डरा। यि ओइसबके बिनास हेतै कैहके एकटा चेन्‍हा चियै महज तोरासबके उधार हेतौ जे उधार परमेस्‍वरसे आबैछौ।

युहन्‍ना 8:14

येसु ओइसबके जबाफदैत कहल्‍कै, “हम आपने बारेमे गबाही दैचियै, तैयो हमर गबाही सुइकारे जोकर छै। कथिलेत हम जानैचियै कि हम कतेसे एलचियै आ कते ज्‍यारहल चियै, महज तुसब यि बात नै जानैचिही कि हम कतेसे एलचियै आ कते ज्‍यारहल चियै।

मतीके लिखल सुसमाचार 26:63

महज येसु चुपचाप रहलै। तब फेनो परधान पुजारी सबाल करल्‍कै, “तु जिबित परमेस्‍वरके किरिया ख्‍याके कह, कि तु परमेस्‍वरके बेटा खिरिस्‍ट चिही त?”

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

मतीके लिखल सुसमाचार 27:27

तकरबाद बडा हाकिमके सिपाहीसब येसुके राज महलमे ल्‍यागेलै आ पुरे पलटन ओकरा चारु कातसे घेरल्‍कै।

लुका 23:9

हेरोद येसुके बहुत सबाल करल्‍कै, महज येसु ओकरा कोनो सबाल के जबाब नै देल्‍कै।

युहन्‍ना 18:28

तकरबाद उसब येसुके कैयाफाके घरसे रोमी सासकके दरबारमे ल्‍यागेलै। ओइ बखत अनगुत भेल छेलै। असुध नै हेबे महज निस्‍तार पाबैनके भोज खाइले सकि कैहके उसब दरबार भितर नै गेलै।

युहन्‍ना 18:34

येसु जबाफ देल्‍कै, “अहाँ आपने मनसे यि बात कहैचियै कि दोसर कोइ हमर बारेमे अहाँके कहलक?”

युहन्‍ना 19:8

यि बात सुइनके पिलातस औरो डेरागेलै।

युहन्‍ना 19:10

पिलातस ओकरा पुछल्‍कै, “कि तु हमरसङे नै बाजबिही? तोरा कुरूसमे लटकाइयोके आ बचाइयोके अधिकार हमरा छै। कि तु नै जानैचिही?”