42 यहुदीसबके तैयारीके दिन भेलाके कारन आ चिहान लगमे भेलासे उसब येसुके लहास ओहैमे राखल्कै।
उ दिन बिसराम दिनके तयारीके दिन छेलै। तैल्याके बिसरामके दिनमे (दोसर दिन बिसराम दिनके बिसेस दिन छेलै) लहास कुरूसमे नै रहे कैहके यहुदी अगुवासब पिलातसलग गेलै आ कुरूसमे लटकाल लोकसबके टाङ तोइरके उसबके लहास निचा उतारैके लेल बिन्ती करल्कै।
तै बखत निस्तार पाबैनके तैयारीके दिन छेलै आ लगभग दुपहर भेल छेलै। नियाइ आसनमे बैठल पिलातस यहुदीसबके कहल्कै, “देख, तोरासबके रजा!”
जै ठाम येसुके कुरूसमे लटकाइने रहै, ओइठाम एकटा फुलबारी छेलै। ओइ फुलबारीमे कहियो नै कोनो लहास राखल एकटा चिहान छेलै।
कथिलेत बप्तिस्मा लैतखिना तुसब खिरिस्टसङे गारल गेल्ही आ मरलसे खिरिस्टके जियाइबला परमेस्वरके सक्तीमे बिस्बास करलाके कारनसे खिरिस्टसङे जिबित भेलचिही।
उ गारलगेलै आ पबितर धरमसास्तर अनुसार तेसर दिनमे परमेस्वर ओकरा फेरसे जिबित करल्कै।
आ ओकर बिसयमे लिखल सब बात उसब पुरा करलाके बाद उसब येसुके कुरूससे निचा उताइरके चिहानमे लज्याके राखल्कै।
बहुतो यहुदीसब उ दोस-पतर परहल्कै, कथिलेत येसुके कुरूसमे टाङलाहा ठाम सहरके लगेमे छेलै आ उ हिबरु, ल्याटिन आ गिरिक भसामे लिखल छेलै।
कथिलेत जहिनङे योना तिन दिन आ तिन रात बरका माछके पेटमे छेलै, तहिनङे मानबोके बेटा तिन दिन आ तिन रात पिरथिबीके पेटेमे रहतै।