युहन्‍ना 19:11 - मध्‍य पुरविया थारू

¹¹ येसु जबाब देल्‍कै, “यदी परमेस्‍वर अहाँके कोनो अधिकार नै देने रहतियौ त हमर उपर अहाँके कोनो अधिकार नै रहतियै। तै खातिर हमरा तोहर हाथमे सोपै बलासब औरो बेसीसे पापके भागिदार हेतै।”

युहन्‍ना 19:11 Referans Kwoze

रोमी 13:1

सबलोक सासन करैबला सासकसबके अधिनमे रहैले परतौ, कथिलेत परमेस्‍वर ओइसबके सासन करैबला अधिकार देनेछै। ओइसबके परमेस्‍वरे छान्‍नेछै।

युहन्‍ना 3:27

युहन्‍ना जबाफ देल्‍कै, “जाबेतक परमेस्‍वरसे नै देतै ताबे तक लोकके कुछो नै मिल्‍तै।

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

परेरित 3:13

अबराहम, इसहाक आ याकुबके परमेस्‍वर, अपनासब पुरखासबके परमेस्‍वर आपन सेबक येसुके महिमीत करल्‍कै, जकरा अहाँसब पकराइलियै आ पिलातस ओकरा छोइरदैके बिचार करल्‍कै तैयो अहाँसब ओकरा पिलातसके अगामे इन्‍कार करलियै।

युहन्‍ना 7:30

तैखातिर उसब येसुके पकरैले ताकैछेलै, महज कोइ नै ओकर उपरमे हाथ लगाइल्‍कै। कथिलेत ओकर समय अखुन तलिक नै एलछेलै।

याकुब 1:17

सब असल आ सब सिध दान स्‍वरगसे आबैछै। यि बरदान इजोतके पितासे आबैछै। उ छाह जखा कहियो नै बदलैछै।

मतीके लिखल सुसमाचार 6:13

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

याकुब 4:17

कोइ असल करे परैछै कैहके बुझने रहैछै महज बुझियोके नै करैछै त, उ पाप करैछै।

रोमी 11:36

कथिलेत सब चिज ओकरे सिरिस्‍टी चियै आ ओकरेसे बनलछै आ ओकरे लेल बन्‍याल छै। ओकर महिमा सबदिन हैतरहे! आमेन।

परेरित 4:28

ओह्‍यासब करैले अहाँ आपन सक्‍तिसे आ आपन योजना अनुसार निस्‍चित करने रहिहे।

मतीके लिखल सुसमाचार 27:2

तब उसब ओकरा बाइन्‍हके लगेलै आ बडा हाकिम पिलातसके जिमा लगादेल्‍कै।

मरकुस 14:44

धोखा दैबला यहुदा येसुके पकराबैके लेल एकटा चेन्‍हा देने रहै, “जकरा हम चुमा लेबौ ओहे लोकके तुसब पकैरके पहरेदारके रोहबरमे लजैहे।”

युहन्‍ना 18:3

तैबखत यहुदा सिपाहीसबके एकटा दल, मुल पुजारीसब आ फरिसीसबसे पठ्‍याल पहरेदारसबके ल्‍याके ओते एलै। उसब आपन साथमे लालटेम, उँकासब आ हाथ-हथियारसब बोक्‍ने छेलै।

युहन्‍ना 9:41

येसु ओइसबके कहल्‍कै, “यदी तुसब अन्‍हर रहतिही त पापके दोसी नै हेत्‍ही, तुसब त ‘हमसब देखैचियै’ कहैचिही, अहैसे तुसब दोसी रहलिही।”

लुका 22:53

हम सबदिन मन्‍दिरमे तोरेऔरकेसङे छेलियौ। महज हमरा पकरैले तोरौरके साहस नै करलिही। आब तोरौरके काम करैबला समय उहे चियौ आ सैतानके सक्‍ती ऐहनङे राज करतौ।”

मतीके लिखल सुसमाचार 26:65

यि बात सुन्‍ते मातर परधान पुजारी आपन बस्‍तर फाइरके बाज्‍लै, “उ त इस्‍वर निन्‍दा करल्‍कै। तुसब त इस्‍वर निन्‍दा सुन्‍बे करलिही। आब कथिले अकर बिरोधमे हमरासबके कोनो परमान चाही?

युहन्‍ना 18:13

तकरबाद उसब पहिने येसुके हन्‍नासके लग ल्‍यागेलै, जे ओइ बरिसके परधान पुजारी कैयाफाके ससुर छेलै।

युहन्‍ना 19:10

पिलातस ओकरा पुछल्‍कै, “कि तु हमरसङे नै बाजबिही? तोरा कुरूसमे लटकाइयोके आ बचाइयोके अधिकार हमरा छै। कि तु नै जानैचिही?”