युहन्‍ना 17:9 - मध्‍य पुरविया थारू

⁹ “आब हम ओइसबके लेल परथना करैचियै। हम सन्‍सारके लेल परथना नै करबै, महज ओकरासबके लेल, जकरा अहाँ हमरा देनेचियै। कथिलेत उसब अहैके चियै।

युहन्‍ना 17:9 Referans Kwoze

हिबरु 9:24

खिरिस्‍ट त लोकसबके हाथसे बनल पबितर ठाममे नै ढुकलै, जे सत पबितर ठामके नमुना मातरे चियै, महज उ स्‍वरग भितर ढुकलै आ अखुन अपनासबके लेल परमेस्‍वरके अगा ठारभेल छै।

युहन्‍ना 17:2

कथिलेत अहाँ आपन बेटाके सब लोकसब उपर अधिकार देनेचियै, ताकि अहाँके देल सब लोकसबके अनन्‍त जिबन देबेसकी।

युहन्‍ना 17:6

“जे लोकसब अहाँ हमरा सन्‍सारसे देलियै हम ओइ लोकसबके अहाँके बारेमे सब चिज कैह देलियै। उसब अहाँके छेलै आ उसबके अहाँ हमरा देलियै आ उसब अहाँके बचन पालन करने छै।

युहन्‍ना 17:20

“हम यि चेलासबके खातिर मातरे परथना नै करैचियै, महज ओहोसबके लेल करैचियै, जे उसबके सिक्‍छासे हमर उपर बिस्‍बास करतै।

लुका 22:32

महज तोहर बिस्‍बास नै डगमगावे कैहके हम तोहर लेल परथना करनेचियौ आ फेनो तु हमर दिसन घुइमके एलाकेबाद तोहर भाइसबके अस्‍थिर करा।”

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

युहन्‍ना 14:16

हम पितासे बिन्‍ती करबै आ उ तोरासबसङे सबदिन रहैके खातिर एक गोरा सल्‍लाह दैबला पठाइतौ।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

लुका 8:34

यि देखके सुगर चरबाहासब भाग्‍लै आ ज्‍याके यि बात सहर आ गाममे सुना देल्‍कै।

लुका 23:34

तब येसु कहल्‍कै, “हे पिता, अकरासबके छमा कैरदियौ, कथिलेत यीसब कथी करैछै से नै जानैछै।” तब उसब येसुके बस्‍तर लैले चिठा लग्‍याके भाग लगाइल्‍कै।

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

युहन्‍ना 6:39

हमरा पठाइबलाके इक्‍छा यि चियै, कि उ हमरा देल्‍हासबमेसे हम ककरो नै नास हैले देबै, महज अन्‍तके दिनमे उसबके जियाइबै।