युहन्‍ना 17:5 - मध्‍य पुरविया थारू

⁵ हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

युहन्‍ना 17:5 Referans Kwoze

१ पतरुस 1:20

परमेस्‍वर सन्‍सारके सिरिस्‍टी करैसे पैहनिए ओकरा चुन्‍ने रहै महज तोरासबके भलाइके खातिर अन्‍तिम समयमे उ परगट भेलै।

युहन्‍ना 10:30

पिता आ हम एके चियै।”

फिलिप्‍पी 2:6

उ बास्‍तममे परमेस्‍वर छेलै, महज परमेस्‍वरके बाराबरी हैबला बातके बिचार नै करल्‍कै।

हिबरु 1:10

परमेस्‍वर फेनसे कहल्‍कै, “हे परभु, सुरुमे अहाँ पिरथिबीके जग बैठेलियै, अकास आ ओइमे भेल सब चिज अहैके हाथसे बनेलियै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

युहन्‍ना 17:24

“हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

युहन्‍ना 8:58

तब येसु ओकरासबके कहल्‍कै, “हम तोरासबके साँचोके कहैचियौ, अबराहमके जलमसे पहिनेसे हम चियै।”

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 14:9

येसु ओकरा जबाब देल्‍कै, “फिलिप! अतहेक दिनसे त हम तोरेसबसङे चियौ, तैयो तु हमरा नै चिन्‍हैचिही? जे हमरा देख्‍ने छै, उ पिताके देख्‍ने छै। तब तु कनङके कहैचिही, कि ‘हमरासबके पिताके देख्‍यादिय?’

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

युहन्‍ना 3:13

स्‍वरगसे उतैरके एल हम मानबके बेटा बाहेक कोइ नै स्‍वरगमे चरहल छै।

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

१ युहन्‍ना 1:2

जब जिबन दैबला परगट भेलै, तब हमसब ओकरा देखलियै आ हमसब वह्‍या अनन्‍त जिबनके बिसयमे साक्‍छी दैचियौ आ तोरासबके कहैचियौ, जे पिता सङे छेलै वह्‍या अपनासबके लग परगट भेलै।

युहन्‍ना 17:1

येसु यि सब बात कहलाके बाद स्‍वरग दिसन ताइकके कहल्‍कै, “हे पिता, आब समय आइबगेल छै। अहाँ आपन बेटामे महिमा परकट करु, ताकि बेटो अहाँके महिमा परकट करे।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।