युहन्‍ना 16:2 - मध्‍य पुरविया थारू

² उसब तोरासबके सभाघरसबसे निकाइल देतौ। तोरासबके उपर अहिनङो समय एतौ, जे तोरासबके जानोसे मारैबला ‘परमेस्‍वरके सेबा करैचियै’ कैहके सोच्‍तै।

युहन्‍ना 16:2 Referans Kwoze

युहन्‍ना 9:22

यहुदीसबके डरसे ओकर बाप-महताइर एहेन जबाब देल्‍कै कथिलेत येसुके मुक्‍ती दैबला रजा खिरिस्‍ट जेसब कहतै, तैसबके सभाघरसे निकाले परतै तै बातमे यहुदीसब पैहने सहमत भेलरहै।

मतीके लिखल सुसमाचार 10:28

ओइसबसे नै डेरा जे देहके मातरे मारैछै, महज आत्‍माके नै मारे सकैछै। बरु ओकरेसङे डेरा जे आत्‍मा आ देह दुनुके नास कैरके नरकमे फेकैके सक्‍ती छै।

परकास 6:9

तकरबाद थुमा पाँचम लाहटके तोरल्‍कै, तब बेदीके निचा हम ओइसबके आत्‍मासबके देखलियै, जकरा परमेस्‍वरके बचन सुनेलाके खातिर आ ओकर बारेमे गबाही देलाके खतिर काइटके मुवाइने छेलै।

युहन्‍ना 12:42

तैयो यहुदी अगुवासबमेसे बहुतो गोरा येसुमे बिस्‍बास करल्‍कै। महज फरिसीसबके डरसे उसब आपन बिस्‍बासके बारेमे ककरो नै कहल्‍कै, कथिलेकी फरिसीसब यहुदी सभाघरसे निकाइलदेतै कैहके डराइछेलै।

लुका 6:22

“धैन तुसब, मानबके बेटाके खातिर तोरासबके घिरना करतौ, समाजसे बहिस्‍कार करतौ, निन्‍दा करतौ आ बदनाम करतौ त तुसब धैनके हेब्‍ही।

१ कोरन्‍थी 4:13

जब लोकसब हमरासबके अपमान करैछै तब नमर्‌से ओकरासबके जबाफ दैचियै। अखुनतक हमसब सन्‍सारके मैल आ कुरकुट बनल चियै।

परेरित 7:56

तब उ कहल्‍कै, “देख, हम स्‍वरग उघरल आ परमेस्‍वरके देहनाकात मानब पुतर येसुके ठारभेल देखैचियै।”

मतीके लिखल सुसमाचार 24:9

“तब लोकसब तोरासबके पकैरके दुख दैकेलेल लजेतौ, तोरासबके मारतौ। तुसब हमरा बिस्‍बास करैके कारन सब जातीसब तोरासबके दुस्‍तौ।

युहन्‍ना 9:34

उसब ओकरा जबाब दैत कहल्‍कै, “तु त एकदमसे आपन पापेमे जलमल चिही आ तु हमरासबके सिखाबैचिही?” तब उसब ओकरा सभाघरसे बाहर निकाइलदेल्‍कै।

परेरित 5:33

जब उसब यि बातसब सुनल्‍कै तब महासभाके सदससब रिससे चुरभेलै आ ओइसबके मारैले चाहल्‍कै।

युहन्‍ना 4:21

येसु ओकरा जबाब देल्‍कै, “हे जनि, हमरा बिस्‍बास कर, उ समय आइबरहलछौ, जब तुसब नै त यि पहारमे नै त यरुसलेममे पिताके आराधना करबिही।

फिलिप्‍पी 3:6

जोसके बिसयमे कहबै त मन्‍डलीके सताबैबला, धारमिकताके बिसयमे कहबै त बेबस्‍थामे भेल धारमिकतासे हम निस्‍खोट ठहरलचियै।

युहन्‍ना 4:23

महज समय आइबरहल छै आ समय एह्‍या चियै। साँचोके आराधना करैबलासब पबितर आत्‍माके अगुवाइमे आ सत बात अनुसार पिताके आराधना करतै। कथिलेत अहिनङे आराधना करैबलासबके आपन आराधना करैले ताकैछै।

युहन्‍ना 16:25

“यि बात हम तोरासबके खिसा-पिहानीसबमे कहनेचियौ। महज समय आइबरहल छौ, तैबखत हम तोरासबके सङे फेनो खिसा पिहानीमे नै बाज्‍बौ, बल्‍की पिताके बिसयमे साफ-साफ कैहदेबौ।

युहन्‍ना 16:32

देख! समय आइबरहल छै, हँ, लग चैलएलै, जब तुसब चारुदिसन छिरिया जेब्‍ही। तुसब भाइगके आपन-आपन घर जेब्‍ही महज हमरा असगरे छोइर देब्‍ही। तैयो हम असगरे नै चियै, कथिलेत हमरसङे पिता छै।