युहन्‍ना 16:11 - मध्‍य पुरविया थारू

¹¹ उ तोरासबके परमेस्‍वरके नियाइ कथी चियौ से देखादेतौ। कथिलेत यि सन्‍सारके रजा पहिने दोसी ठहैर गेलछै।”

युहन्‍ना 16:11 Referans Kwoze

युहन्‍ना 12:31

आब अइ सन्‍सारके नियाय हैबला समय चैल एलछै। अइ सन्‍सारके सासक बाहर निकालल जेतै।

१ युहन्‍ना 3:8

फेनो-फेनो पाप करैबलासब सैतानके लोक चियै। कथिलेत सैतान सुरुवेसे पाप करैत एलछै। अहै खातिर सैतानके काम नास करैले परमेस्‍वरके बेटा परगट भेलछै।

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

कलस्‍सी 2:15

उ आत्‍मिक दुस्‍ट सक्‍तिसबके आ अधिकार सबके नस्‍ट करल्‍कै आ खिरिस्‍टके कुरूस दुवारा ओकरासबके हरेल्‍कै। उ ओइसबके खुलम खुल्‍ला तमासा बन्‍यादेल्‍कै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

२ पतरुस 3:7

महज ओह्‍या बचनसे नियाय हैबला दिनतकके लेल अकास आ पिरथिबीके आइगसे नास करैके लेल बचाके राखनेछै। अकरा वहे दिनके लेल राखनेछै जहिया अधरमी लोकसबके नियाय हेतै आ ओकरासबके नास करलजेतै।

हिबरु 9:27

जहिनङ लोकसबके एकबेर मरनाइ निस्‍चित छै तहिनङ मरलाकेबाद ओकर नियाय निस्‍चित छै।

हिबरु 6:2

बहुत किसिमके बप्‍तिस्‍माके बारेमे सिक्‍छा, हाथ राखैबला काम, मरलसे जियैबला बात आ कहियो खतम नै हैबला दन्‍डके बारेमे तोरासबके सिखाइते नै रहेपरतौ।

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

परेरित 10:42

सुसमाचार परचार करैले आ परमेस्‍वर येसुके जिबित आ मरलसबके नियाय करैले नियुक्‍त करने छै कैहके साक्‍छी दैले परमेस्‍वर हमरासबके आग्‍या करने छै।

लुका 10:18

तब येसु ओकरासबके कहल्‍कै, “हमे सैतानके स्‍वरगसे बिजली जखा खसैत देखलियै।

मतीके लिखल सुसमाचार 12:36

हम तोरासबके कहैचियौ, जे लोक बिना कामके बोल्‍तै, नियाइके दिनमे तकरासे एक-एक कैरके लेखा देबेपरतै।

मतीके लिखल सुसमाचार 12:18

“हमर सेबकके देख, जकरा हम छान्‍ने चियै। ओकरासे हम एकदम खुसी चियै। हम आपन आत्‍मा ओकरमे राइखदेबै आ उ जाती-जातीके नियाइके घोसना करतै।

रोमी 16:20

सान्‍ती दैबला परमेस्‍वर जल्‍दिए सैतानके तोरासबके टाङके तरमे मिसरेतौ। अपनासबके परभु येसु खिरिस्‍टके अनुगरह तोरासबसङे रहे।

रोमी 2:16

यि बातसब ओइ दिन हेतै जै दिन परमेस्‍वर हमर करल सुसमाचार परचार अनुसार येसु खिरिस्‍ट दुवारा लोकसबके हिरदयमे रहल गुप्‍त बातसबके नियाय करतै।

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

परेरित 24:25

जब पावल धरमी भ्‍याके काम करे परतै, आपन मनके बसमे राखे परतै आ आबैबला नियाइके बारेमे बोल्‍लै तब फेलिक्‍स डेरेलै आ कहल्‍कै, “अखुन जो, मौका मिल्‍तौ त हम फेनो तोरा बोलाइबौ।”

युहन्‍ना 16:12

“हमरा तोरासबके कहैबला बातसब त बहौत छै, महज अखुन तुसब नै सहे सकबिही।