युहन्‍ना 15:1 - मध्‍य पुरविया थारू

¹ येसु आपन चेलासबके कहल्‍कै, “साँचो अङगुरके लती हम्‍ही चियै आ हमर पिता किसान चियै।

युहन्‍ना 15:1 Referans Kwoze

१ कोरन्‍थी 3:9

कथिलेत सङे-सङे हमसब परमेस्‍वरके काम करैबला चियै आ तुसब परमेस्‍वरके खेत आ घर चिही।

युहन्‍ना 6:55

कथिलेत हमर देह साँचोके खाइबला आ हमर लहु साँचोके पियैबला चिज चियै।

१ युहन्‍ना 2:8

तैयो हम तोरासबके खातिर एकटा लबका आग्‍या लिखरहल चियौ, जे येसु खिरिस्‍ट आ तोरासबमे सत देखा परल छौ, कथिलेत अन्‍हार हटे लागल छै आ सतके इजोत पहिनेसे चमैकरहल छै।

मरकुस 12:1

तब येसु उसबके एकटा खिसा कहल्‍कै, “एकटा लोक अङगुरके खेती करल्‍कै आ चारुकातसे ओकरा घेरल्‍कै। अङगुरके रस जम्‍मा करैके लेल एकटा खाइध खुइनके कोल्‍हु बनाइल्‍कै। ओहैमे एकटा मचानो बनाके अङगुरके बारी बटिदारसबके जिम्‍मा द्‍याके अपने बिदेस चैलगेलै।

मतीके लिखल सुसमाचार 21:33

येसु फेनो उसबके कहल्‍कै, “एकटा दोसरो खिसा सुन। एकटा जमिन्‍दार लोक छेलै। उ लोक अङगुरके खेती करल्‍कै आ चारुकातसे ओकरा घेरल्‍कै। अङगुरके रस जम्‍मा करैके लेल एकटा खाइध खुइनके कोल्‍हु बनाइल्‍कै आ ओहैमे रखबारी करैके लेल एकटा मचानो बनाइल्‍कै। तब बटिदारसबके जिम्‍मा द्‍याके अपना परदेस गेलै।

युहन्‍ना 6:32

यि बात सुइनके येसु ओइसबके कहल्‍कै, “साँचोके हम तोरासबके कहैचियौ, मोसा तोरासबके स्‍वरगके रोटी नै देनेछौ, महज हमर पिता तोरासबके स्‍वरगके साँचोके रोटी देतौ।

लुका 13:6

तकरबाद येसु ओकरासबके एकटा खिसा कहल्‍कै, “कोनो एकटा लोक आपन अङगुरके फुलबारीमे अन्‍जिर गाछ रोप्‍ने छेलै। उ समय समयमे अन्‍जिर फरलै कि नै देखैले एलै, महज फल नै भेटलै।

मतीके लिखल सुसमाचार 20:1

येसु कहैत गेलै, “स्‍वरगके राज जमिनके एकटा एहेन मालिक जखा चियै जे, बिहान सबेरे-सबेरे अङगुर बारीमे काम करैबला जनसबके ताकैले निकललै।

युहन्‍ना 1:9

साँचोके इजोत उ चियै जे सन्‍सारके सबकोइके इजोत दैछै उ इजोत आइबरहल छेलै।

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

मतीके लिखल सुसमाचार 15:13

महज येसु जबाफ देल्‍कै, “स्‍वरगमे रहैबला हमर पिताके नै रोपल सब गाछ जैंरसे उखारलजेतै।

युहन्‍ना 15:2

हमरमे रहल सब ठाइर जे फल नै फराइछै, उ ओइसबके काइटदैछै आ फल फराइबला सब ठाइर औरो बेसीसे फराबे कैहके उ ओइसबके काटछाट करैछै।

रोमी 11:17

तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।