युहन्‍ना 14:9 - मध्‍य पुरविया थारू

⁹ येसु ओकरा जबाब देल्‍कै, “फिलिप! अतहेक दिनसे त हम तोरेसबसङे चियौ, तैयो तु हमरा नै चिन्‍हैचिही? जे हमरा देख्‍ने छै, उ पिताके देख्‍ने छै। तब तु कनङके कहैचिही, कि ‘हमरासबके पिताके देख्‍यादिय?’

युहन्‍ना 14:9 Referans Kwoze

कलस्‍सी 1:15

खिरिस्‍ट त नै देखैबला परमेस्‍वरके देखैबला रुप चियै। उ सारा सिरिस्‍टीके उपर अधिकार करैछै।

युहन्‍ना 12:45

जे हमरा देखैछै, उ हमरा पठाइबलाके देखैछै।

युहन्‍ना 14:7

तुसब हमरा साँचोके चिन्‍तिही त, हमर पितोके चिन्‍तिही। आबसे तुसब हमर पिताके चिन्‍हबिही कथिलेत तुसब ओकरा देखलेनेचिही।”

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

युहन्‍ना 10:30

पिता आ हम एके चियै।”

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

फिलिप्‍पी 2:6

उ बास्‍तममे परमेस्‍वर छेलै, महज परमेस्‍वरके बाराबरी हैबला बातके बिचार नै करल्‍कै।

युहन्‍ना 14:20

‘हम पितामे आ तुसब हमरमे आ हम तोरासबमे चियौ’ से बात तुसब ओइ दिन जानबिही।

मरकुस 9:19

तब येसु ओकरासबके कहल्‍कै, “ए थेथर पुस्‍ता, कहियातक हम तोरासबके बिचमे रहबौ? कहियातक बिस्‍बासमे कमजोरे रहबिही? तोहर बेटाके हमरलग आन।”

लुका 12:56

ऐ कपटीसब! तुसब अकास आ धरतीके लछनसब कैह दैले सकैचिही, महज यि समयके अरथ लगाइले नै जानैचिही?

१ कोरन्‍थी 15:12

परमेस्‍वर खिरिस्‍टके मरलसे जीयाके उठेल्‍कै कैहके हमसब परचार करैचियै त, कनङके तोरासबमेसे कोइ-कोइ मरल लोक जीके नै उठतै कहैचिही?

युहन्‍ना 8:19

तब उसब येसुके पुछल्‍कै, “तोहर पिता कते छौ?” येसु ओइसबके जबाफ देल्‍कै, “तुसब नै त हमरा चिन्‍हैचिही आ नै त हमर पिताके। यदी तुसब हमरा चिन्‍हतिही त हमर पितोके चिन्‍हने रहतिही।”

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।