युहन्‍ना 14:12 - मध्‍य पुरविया थारू

¹² “साँचोके हम तोरासबके कहैचियौ, हमरमे बिस्‍बास करैबला सेहो यि कामसब करे सक्‍तै जे कामसब हम करैचियै आ ओहौसे पैध कामसब करतै कथिलेत हम पितालग जाइचियै।

युहन्‍ना 14:12 Referans Kwoze

मतीके लिखल सुसमाचार 21:21

तब येसु उसबके जबाफ देल्‍कै, “साँचेके हम तोरासबके कहैचियौ, यदी तोरासबमे बिस्‍बास छौ आ सङका नै कैरके यि अन्‍जिरके गाछके जे हम करलियै अतबेक नै, महज यि पहारके ‘तु अतेसे उखैरके समुन्‍दरमे खस’ कहबिही त तहिनङे हेतौ।

मरकुस 16:17

तब बिस्‍बास करैबलासब यि काम करतै- उसब हमर नाममे भुतसब भगाइतै, आन भसासब बोल्‍तै,

परेरित 16:18

उ छौरी बहौत दिनतक ओहिनङ करैत रहलै। बादमे पावल एक दिन दिक्‍क भ्‍यागेलै तब ओकर दिसन घुइमके भुत आत्‍माके कहल्‍कै, “हम येसु खिरिस्‍टके नाममे हम तोरा आग्‍या दैचियौ, तु यि छौरीसे निकैलके चैलजो।” पावल यि बात कहैत मातर उ भुत आत्‍मा ओइ छौरीसे निकैलके चैलगेलै।

परेरित 9:34

पतरुस ओकरा कहल्‍कै, “ऐ एनियास, येसु खिरिस्‍ट तोरा निक करतौ। उठ आ तोहर बिछान मिला।” तब उ तुरन्‍ते उइठके ठार भेलै।

परेरित 19:12

हैते-हैते लोकसब रुमाल या गम्‍छा ओकर देहमे छुब्‍याँके बिमारीसब लग लजाइछेलै आ उ बिमारीसब निक हैछेलै आ भुतो आत्‍मासब निकैलके जाइछेलै।

परेरित 9:40

तकरबाद पतरुस सबलोकके घरसे बाहर निकालल्‍कै आ ठेङहुनिया द्‍याके परथना करल्‍कै। तब लहास दिसन घुइमके कहल्‍कै, “तबिता, उठ!” तब उ आँख उघारल्‍कै त सामनेमे पतरुसके देखके उइठके बैठलै।

परेरित 8:7

कथिलेत ओते बहौत लोकसब मेसे भुत-आत्‍मासब चिच्‍या-चिच्‍याके निक्‍ले लाग्‍लै आ बहौत लकबा मारल बिमारसब आ नेङरसब निक भेलै।

परेरित 5:15

परेरितसबके अच्‍चमके काम देखके लोकसब बिमारसबके रस्‍तामे पटिया आ खटियामे राखल्‍कै आ पतरुस ओतेसे आबैतखिना ओकर छाह रोगी-बिमारीसब उपर परे आ ठिक हेबे कैहके सुताके राखने रहैत रहै।

परेरित 2:41

तब जे-जे ओकर बातमे बिस्‍बास करल्‍कै, सेसब बप्‍तिस्‍मा लेल्‍कै आ ओहै दिन करिब तिन हजार लोक बिस्‍बासीसबके समुहमे थपेलै।

परेरित 4:4

महज बचन सुनैबला बहौत लोकसब बिस्‍बास करल्‍कै आ बिस्‍बास करैबला मरद-पुरुख बैढके पाँच हजार भेलै।

युहन्‍ना 16:7

महज साँचोके हम तोरेसबके कहैचियौ, हम अतेसे जेबौ तब मातरे तोरासबके असल हेतौ। कथिलेत यदी हम नै जेबौ त तोरासबके सल्‍लाह दैबला पबितर आत्‍मा तोरासबके लग नै एतौ। महज जब हम जेबौ, तब हम ओकरा तोरासबके लग पठाइबौ।

परेरित 2:33

अहैसे परमेस्‍वर पिता आपन देहना हाथ कात बैठेल्‍कै आ आपन परतिग्‍या अनुसार ओकरा पबितर आत्‍मा देल्‍कै। ओह्‍या पबितर आत्‍मा हमरासबके देने छै, जे अहाँसब देखैचियै आ सुनैचियै।

युहन्‍ना 7:39

येसु यि बात पबितर आत्‍माके बारेमे कहने छेलै, जे पबितर आत्‍मा ओकरमे बिस्‍बास करैबलासब पाबैले लागलछेलै। ओइ बखत तक परमेस्‍वर पबितर आत्‍माके नै पठेने छेलै, कथिलेत येसु आपन स्‍वरगके महिमामे घुइमके नै गेलछेलै।

युहन्‍ना 7:33

तब येसु कहल्‍कै, “हम कुछदेर तक मातरे औरो तोरासबसङे रहबौ, तकरबाद हमरा पठाइबला लग जेबौ।

रोमी 15:19

उसब परमेस्‍वरके आत्‍माके सक्‍ती, अचमके चेन्‍हासब आ कामसब दुवारा बिबस करलगेल छेलै। अहिनङे हम यरुसलेमसे इल्‍लुरिकन परदेसतक पुरे खिरिस्‍टके सुसमाचारके परचार करने चियै।

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

परेरित 4:16

“यि लोकसबके आब अपनासब कथी करबिही? साच्‍चोके यीसब अच्‍चमके काम करने छै, से बात यरुसलेमके सब लोकसब जानैछै आ आब अपनासबके इन्‍कार करे नै सकबिही।

युहन्‍ना 14:28

‘हम अतेसे ज्‍यारहल चियै आ फेनो तोरेसबलग घुइमके एबौ’ कैहके कहल हमर बात त तुसब सुन्‍बे करनेचिही। यदी तुसब हमरा परेम करतिही त, हम पितालग ज्‍यारहल चियै से सुइनके तुसब खुसी हेत्‍ही, कथिलेकी पिता हमरसे महान छै।

परेरित 10:46

कथिलेकी उसब आन भसामे बाइजके परमेस्‍वरके परसन्‍सा करैत उसब सुनल्‍कै।

परेरित 4:33

उ परेरितसब बहुत सक्‍तीसे परभु येसु मरके जिबित भ्‍याके उठलै तै बातके गबाही दैछेलै आ उसब सबके सङे परमेस्‍वरके बहुत बरका अनुगरह छेलै।

मरकुस 11:13

तब दुरेसे हरियर पतासे भरल अंजिरके गाछ देखके ओइमे फल भेटतै कि कैहके उ ओते गेलै। जब उ ओते पहुचलै ओइ गाछमे पता बाहेक कुछो नै भेटलै, कथिलेत तै बखत अंजिर फरैबला समय नै भेलरहै।

युहन्‍ना 4:37

अहिनङे ‘कोइ बिचहन छिटैछै त कोइ काटैछै’, से बात सत चियै।

युहन्‍ना 5:20

कथिलेत पिता बेटाके परेम करैछै आ पिता आपनेसे करलहा सबकाम बेटाके देखाइछै। पिता अहौसे बेसी महान काम बेटाके देखाइतै आ तुसब छक परबिही।