युहन्‍ना 13:5 - मध्‍य पुरविया थारू

⁵ तकरबाद एकटा कठौतमे पानी झाकल्‍कै आ आपन चेलासबके टाङ धुवाबैले लाग्‍लै आ डारमे बान्‍हल गम्‍छासे उसबके टाङ पोइछदेल्‍कै।

युहन्‍ना 13:5 Referans Kwoze

लुका 7:44

तब ओइ जनिजाइत दिसन घुइमके येसु सिमोनके कहल्‍कै, “सिमोन हम तोहर घरमे एलियौ हमरा टाङ धुवाइले पानीयो नै देल्‍ही, महज यि त हमर टाङ लोरसे धुवाइल्‍कै आ केससे पोछल्‍कै।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

परकास 7:14

हम ओकरा कहलियै, “गुरु जी, हमरा थाह नै छै। अहिके थाहछै।” उ हमरा कहल्‍कै, “उसब त बरका भारी सताबट सैहके एलछै आ उसब आपन-आपन बस्‍तर थुमाके लहुसे धोइबके उजर बनाइनेछै।

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

एफिसी 5:26

खिरिस्‍ट मन्‍डलीके बचन रुपी पानीसे धोइबके सुध आ पबितर बनाइल्‍कै।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

परेरित 22:16

तै खातिर आब कथिले ढिला-सुस्‍ती करैचिही? उठ आ बप्‍तिस्‍मा ले आ येसुके नाम ल्‍याके आपन पापसे सुध हो।’

१ युहन्‍ना 5:6

येसु खिरिस्‍ट वह्‍या चियै जे पानी आ लहुसे एलै। उ पानीसे मातरे नै महज पानी आ लहुसे एलै। यि बात सत छै कैहके पबितर आत्‍मा साक्‍छी छै, कथिलेकी पबितर आत्‍मा सत चियै।

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।

युहन्‍ना 19:34

महज सिपाहीसबमेसे एक गोरे ओकर कोइखमे भला भोकल्‍कै आ तखुन्‍ते लहु आ पानी निकल्‍लै।

लुका 7:38

उ पछासे आइबके येसुके टाङ लग ठार भ्‍याके काने लाग्‍लै आ आपन लोरसे टाङके भिजाबे लाग्‍लै। उ आपन केससे टाङ पोइछके चुम्‍मा लेल्‍कै आ अतर घोसे लाग्‍लै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

युहन्‍ना 13:10

तब येसु ओकरा कहल्‍कै, “जे असलान करने छै ओकर टाङ मातरे धोबे परतै, कथिलेत उ पुरे सुध रहैछै। तुसब सुध त चिही, महज सबकोइ नै।”

युहन्‍ना 13:8

पतरुस कहल्‍कै, “हम अहाँके आपन टाङ कहियो नै धुवाबैले द्‍याब!” तब येसु ओकरा जबाफ देल्‍कै, “यदि हम तोहर टाङ नै धोबौ त हमरसङे तोहर कोनो समबन्‍ध नै रहतौ।”

युहन्‍ना 13:6

जब येसु सिमोन पतरुस लग एलै, तब पतरुस कहल्‍कै, “परभु, कि अहाँ हमर टाङ धुवाइबै?”