युहन्‍ना 13:18 - मध्‍य पुरविया थारू

¹⁸ “हम तोरासबके बारेमे नै कैहरहल चियौ, जकरा-जकरा हम चुन्‍ने चियै ओकरासबके जानैचियै। महज पबितर धरमसास्‍तर पुरा हेबे कैहके ‘जे हमर रोटी खाइछै ओह्‍या हमर बिरोधमे आपन एरी उठाइनेछै।’

युहन्‍ना 13:18 Referans Kwoze

मतीके लिखल सुसमाचार 26:23

तब येसु ओइसबके जबाफ देल्‍कै, “हमरासङे जे बाटीमे रोटी बोइर रहल छै, ओहे हमरा पकराइतै।”

युहन्‍ना 17:12

जब हम सन्‍सारमे ओइसबसङे छेलियै, तब हम ओइसबके अहाँके आपन नामके सक्‍तिसे रक्‍छा करलियै, जे नाम अहाँ हमरा देनेछेलियै। हम ओइसबके बचेलियै आ ओइसबमेसे नास हैबलाके छोइरके औरो कोइ नास नै भेलै, महज पबितर धरमसास्‍तरमे लिखल बचन पुरा हेबे कैहके यि भेलै।

मरकुस 14:20

येसु ओइसबके कहल्‍कै, “उ तोरेसबमेसे एक गोरा छै, जे हमरसङे थारीमे रोटी बोइर रहल छै।

युहन्‍ना 13:26

तब येसु जबाफ देल्‍कै, “जकरा हम यि रोटीके खुन्‍डी बोइरके देबौ, उ ओह्‍या चियौ।” तब येसु रोटीके खुन्‍डी बाटीमे बोइरके सिमोनके बेटा यहुदा इस्‍करियोतके देल्‍कै।

युहन्‍ना 6:70

येसु ओकरासबके कहल्‍कै, “कि हम तोरा बारहो गोराके नै छान्‍ने चियौ से? महज तैयो तोरासबमेसे एक गोराके सैतान चलाइनेछौ।”

युहन्‍ना 15:19

यदी तुसब अइ सन्‍सारके रहतिही त, सन्‍सारके लोकसब तोरा आपन कैहके परेम करतियौ। महज तुसब अइ सन्‍सारके नै चिही। हम तोरासबके सन्‍सारसे चुनलियौ, ओहैसे अइ सन्‍सारके लोकसब तोरासबके घिरना करैछौ।

हिबरु 4:13

परमेस्‍वरके नजरसे सिरिस्‍टीके कोनो चिज नै छुपलछै। ओकर नजरके सामने सब बात खुल्‍ला आ परस्‍टछै। ओकरे अपनासबके करल कामके लेखा दैलेपरतै।

युहन्‍ना 15:16

तुसब हमरा नै चुनलिही, महज हम तोरासबके चुनलियौ। आब जो आ सबदिन रहैबला फल फराइहे कैहके हम तोरासबके चुनलियौ। तहैलेल तुसब हमर नाममे पितासे जे कुछ माङबिही उ तोरासबके देतौ।

मतीके लिखल सुसमाचार 10:36

आ लोकके दुस्‍मन ओकर आपन घरेके लोकसब हेतै।

परकास 2:23

ओकर पछा लागैबला बेटा-बेटीसबके हम खतम करबै। तब सब मन्‍डलीसब थाह पाबतै कि हम वहे चियै जे सबके मन आ हिरदयके जाँच करैचियै। हम तोरासबके काम अनुसारके इनाम देबौ।

युहन्‍ना 21:17

येसु फेनसे तेसर बेर पतरुसके पुछल्‍कै, “ऐ युहन्‍नाके बेटा सिमोन, कि तु हमरा परेम करैचिही?” सिमोन पतरुसके मनमे चोट लाग्‍लै कथिलेकी येसु तिनचोटी “कि तु हमरा परेम करैचिही?” कैहके पुछल्‍कै। सिमोन ओकरा कहल्‍कै, “परभु, अहाँ त सब जान्‍बे करैचियै। अहाँ जानैचियै कि हम अहाँसे परेम करैचियै।” येसु ओकरा कहल्‍कै, “हमर भेंरासबके चरा।”

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

मतीके लिखल सुसमाचार 26:21

उसब खाइत खिना येसु ओइसबके कहल्‍कै, “हम साँचे तोरासबके कहैचियै, तोरेसबके बिचमेसे एक गोरा हमरा धोखा देतौ।”

मरकुस 14:17

ओहै दिन साँझमे येसु बारहो चेलासब सङे एलै।

मरकुस 14:18

उसबके खाइत खिना येसु कहल्‍कै, “साँचोके हम तोरासबके कहैचियौ, आपनेसब मेसे सङे खाइबला एक गोरा हमरा धोखा देतै।”

लुका 22:21

महज देख, हमरा पकरा दैबला लोक हमरेसङे खाइले बैठलछै।

युहन्‍ना 13:21

यि कहलाकेबाद येसुके मन एकदम बेचैन भेलै आ आपन चेलासबके कहल्‍कै, “साँचोके हम तोरासबके कहैचियौ, तोरेसबमेसे एक गोरे हमरा पकरा देब्‍ही।”

युहन्‍ना 13:22

येसु यि बात ककर बारेमे कैहरहल छेलै से पका नै भेलासे चेलासब एक-दोसरके ताके लाग्‍लै।

युहन्‍ना 15:25

महज ‘उसब हमरा बिना कारन घिरना करल्‍कै’ कैहके ओइसबके बेबस्‍थामे लिखल बचन पुरा हैकेलेल यि सब भेलै।

युहन्‍ना 18:32

आपन मिरतु कनङके हेतै कैहके येसुके कहल बात पुरा हैकेलेल ऐहेन भेल छेलै।

युहन्‍ना 19:24

यि देखके उसब आपसमे कहल्‍कै, “एकरा नै फारु, महज यि ककर भागमे परतै से चिठा लगबु।” पबितर धरमसास्‍तरमे लिखल बात अनङके पुरा भेलै, “उसब हमर बस्‍तरसब आपसमे बाटल्‍कै आ हमर बस्‍तरके लेल चिठा लगेल्‍कै।” तैल्‍याके सिपाहीसब ओहिनङे करल्‍कै।

युहन्‍ना 19:36

“ओकर एकोटा हडी नै टुटतै” से धरमसास्‍तरमे लिखल बात पुरा हेबे कैहके यि भेल छै।

परेरित 1:2

येसु स्‍वरग जाइसे पहिने आपनेसे छानल परेरितसबके पबितर आत्‍माके सक्‍तिसे आग्‍या देल्‍कै।

परेरित 1:16

“हौ, भैयारीसब, धरमसास्‍तरके बचन पुरा हैकेचाही, जे बचन येसुके पकराबैके लेल लोकसबके अगुवाइ करैबला यहुदाके बिसयमे दाउदके मुहसे पैहनैये पबितर आत्‍मासे बाजल छेलै।