युहन्‍ना 13:10 - मध्‍य पुरविया थारू

¹⁰ तब येसु ओकरा कहल्‍कै, “जे असलान करने छै ओकर टाङ मातरे धोबे परतै, कथिलेत उ पुरे सुध रहैछै। तुसब सुध त चिही, महज सबकोइ नै।”

युहन्‍ना 13:10 Referans Kwoze

युहन्‍ना 15:3

किसान ठाइरके साफ करल जखा तुसब पहिनेसे हमर बचनसे सुध भेलचिही।

२ कोरन्‍थी 5:17

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

याकुब 3:2

बास्‍तममे अपनासब भुलचुकमे बहौतरा गल्‍ती करैचियै। बोलि-बचनमे कहियो गल्‍ती नै बाजैबला लोक सिध लोक चियै। उ लोक आपन पुरा सरिरमे लगाम लगाइले सक्‍तै।

हिबरु 9:10

यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।

१ थेसलोनिकी 5:23

अपनासबके सान्‍ती दैबला परमेस्‍वर आपनेसे हरतरहसे तोरासबके पबितर राखे आ अपनासबके परभु येसु खिरिस्‍ट नै आबैतक तोरासबके आत्‍मा, परान, देह निरदोस रहे से हमर आसा चियै।

मतीके लिखल सुसमाचार 6:12

हमरासबके अपराध छमा करु, जनङ हम्‍हुसब आपन अपराधीसबके छमा करनेचियै।

युहन्‍ना 13:9

तकरबाद सिमोन पतरुस ओकरा कहल्‍कै, “ओहेन छै त, परभु, हमर टाङ मातरे नै, महज हमर हाथ आ मुरो धोइबदिय।”

युहन्‍ना 13:18

“हम तोरासबके बारेमे नै कैहरहल चियौ, जकरा-जकरा हम चुन्‍ने चियै ओकरासबके जानैचियै। महज पबितर धरमसास्‍तर पुरा हेबे कैहके ‘जे हमर रोटी खाइछै ओह्‍या हमर बिरोधमे आपन एरी उठाइनेछै।’