युहन्‍ना 12:2 - मध्‍य पुरविया थारू

² येसु एलाके खुसियालीमे भोजन तैयार करल्‍कै। मारथा सेबा-टहल करेमे लागलछेलै आ लाजरस येसु आ औरो मेजवानसबसङे खाइले बैठल छेलै।

युहन्‍ना 12:2 Referans Kwoze

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।

लुका 22:27

आब हमरा कह बरका के चियै? खाइले बैठल मालिक कि खाइले दैबला नोकर? कि खाइले बैठल मालिक नै चियै? महज हम त तोरौरके बिचमे एकटा नोकर नहाइत चियौ।

मरकुस 14:3

येसु बेथानिया गाममे सिमोन कोढि-कुस्‍टी लागल लोकके घरमे खाइछेलै तखुन्‍ते एकटा जनी अतर संगमरमरके सिसीमे जटामसी नामके बहौत महग तेल ल्‍याके एलै आ उ सिसी खोइलके गमकौवा अतर ओकर मुरीमे ढाइर देल्‍कै।

लुका 14:12

तब येसु नौता दैबला घरबैयाके कहल्‍कै, “जब तुसब एहेन भोजसब करैचिही त आपन साथीसबके, आपन भैया-भाइके, या आपन कर-कुटुमके या धनिक्‍हा परोसियासबके नै बोलाबिहे। कथिलेत उसब बदलामे तोरासबके नौता द्‍याके तोहर लग्‍याल गुन फिरता कैरदेतौ।

लुका 12:37

उ नोकरसब धैनके चियै, जब मालिक घर आबैछै त उसबके जागल देखैछै। साच्‍चे हम तोरासबके कहिचियौ, उ आपन डाँर कैसके ओकरासबके खियाइले बैठेतै आ आइबके सेबा करतै।

लुका 5:29

लेबी आपन घरमे येसुके भोज खाइले नौता देल्‍कै। ओइ भोजमे बटी उठाइबला आ बहुतरा लोकसब बैठल छेलै।

मतीके लिखल सुसमाचार 26:6

येसु बेथानिया गामके सिमोनके घरमे गेलै, जे पहिने कोढि-कुस्‍टीके बिमारी छेलै।