युहन्‍ना 10:3 - मध्‍य पुरविया थारू

³ ओकरलेल घर रखबारी करैबला केबार खोइलदैछै आ भेंरासब ओकर बोली चिन्‍हैछै। उ आपन भेंरासबके नाम ल्‍याके ल्‍याके बोलाइछै आ ओकरासबके बाहर निकालैछै।

युहन्‍ना 10:3 Referans Kwoze

२ तिमोथी 2:19

महज तैयो परमेस्‍वरके आपनेसे बनेल्‍हा जग सबदिन अटल छै। ओइ जगमे एहेन लिखल छै: “परभु आपन लोकसबके चिन्‍हैछै” आ “परभुके नाम लैबला सब गोरा खराब कामसे दुर रहे परतै।”

युहन्‍ना 10:4

जब उ आपन भेंरासबके बाहर निकालैछै तब उ ओइसबके अगा-अगा जाइछै आ भेंरासब ओकर पछा-पछा आबैछै, कथिलेत उसब ओकर बोली चिन्‍हैछै।

युहन्‍ना 10:16

हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

युहन्‍ना 10:14

“असल चरबाह हम्‍ही चियै। हम आपन भेरासबके चिन्‍हैचियै आ भेरोसब हमरा चिन्‍हैछै,

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।

परकास 7:17

कथिलेत सिंहासनके बिचमे रहैबला थुमा ओकरासबके चरबाहा हेतै, ओकरासबके डोरियाइत जिबनके पानीके मुलमे लजेतै आ परमेस्‍वर ओकरासबके आँखके सब लोर पोइछदेतै।”

रोमी 8:30

जकरा जकरा परमेस्‍वर पहिनेसे चुनल्‍कै, उ ओकरासबके बोलेबो करल्‍कै। जकरा बोलेल्‍कै ओकरासबके आपन नजरमे धरमी ठहरेल्‍कै। जकरा जकरा धरमी ठहरेल्‍कै, ओकरासबके आपन महिमामे सहभागी सेहो करेल्‍कै।

युहन्‍ना 6:45

अगमबक्‍ताके किताबमे एहेन लिखलछै, ‘सबलोक परमेस्‍वरसे सिख्‍यालजेतै।’ जे कोइ पिताके सिक्‍छा सुनैछै आ सिखैछै से कोइ हमरलग आबैछै।

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

कलस्‍सी 4:3

खिरिस्‍टके रहसके बात लोकसबके परचार करैले परमेस्‍वर केबार उघाइरदेबे कैहके हमरासबके लेल सेहो परथना कर। अहै रहसके परचार करैके कारनसे हम जहलमे परल चियै।

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

१ पतरुस 1:12

तै बखत अगमबक्‍तासबके करलहा यि सेबा ओइसबके फाइदाके खातिर नै महज तोरेसबके खातिर चियौ कैहके परमेस्‍वर ओइ अगमबक्‍तासबके देखाइने छेलै। यि बात स्‍वरगसे पठेल्‍हा पबितर आत्‍माके सक्‍तीसे सुसमाचार सुनाबैबला दुवारा अखैन तोरासबके घोसना करनेछौ। यि बात स्‍वरगदुतोसब जानैले चाहैछै।

१ कोरन्‍थी 16:9

हमर बिरोध करैबलासब बहुतो भेलोपरभी परभाबसाली कामके लेल एकटा बरका केबार हमर लेल खुइल गेलछै।

युहन्‍ना 10:9

ढुकैबला केबार हम्‍ही चियै, जे कोइ हमरबाटे ढुकतै से कोइ बाच्‍तै। उ भितर-बाहर करतै आ घास हैबला ठाममे चरैले पाबतै।

१ युहन्‍ना 4:6

अपनासब त परमेस्‍वरके चियै। जे परमेस्‍वरके चिन्‍हैछै, उ अपनासबके बात सुनैछै। जे परमेस्‍वरके लोक नै चियै, उ अपनासबके बात नै सुनैछै। अहैसे अपनासब सतके आत्‍मा आ झुठके आत्‍मा छुटयाइले सकैचियै।

३ युहन्‍ना 1:14

बरु हम तोरा जल्‍दिए भेटमुलाकातके असा करनेचियै आ हमसब आमने-सामने भेटके बातचित करबै।