युहन्‍ना 10:27 - मध्‍य पुरविया थारू

²⁷ हमर भेंरासब हमर बोली सुनैछै। हम ओइसबके चिन्‍हैचियै आ उसब हमर पछा-पछा आबैछै।

युहन्‍ना 10:27 Referans Kwoze

युहन्‍ना 10:16

हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

युहन्‍ना 10:14

“असल चरबाह हम्‍ही चियै। हम आपन भेरासबके चिन्‍हैचियै आ भेरोसब हमरा चिन्‍हैछै,

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।

१ कोरन्‍थी 8:3

महज जे लोक परमेस्‍वरके परेम करैछै, परमेस्‍वर ओकरा चिन्‍हैछै।

हिबरु 3:7

तहैलेल पबितर आत्‍मा कहैछै, “यदी आइके तुसब परमेस्‍वरके आबाज सुनबिही त,

युहन्‍ना 5:25

हम तोरासबके साँचोके कहैचियौ, उ समय आइबरहल छौ आ आइबगेल छौ, जब मरलहा लोकसब परमेस्‍वरके बेटाके अबाज सुन्‍तै आ जे कोइ ओकर अबाज सुन्‍तै सेसब बाच्‍तै।

युहन्‍ना 8:12

तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

गलाती 4:9

महज आब त तुसब परमेस्‍वरके चिन्‍हनेचिही या परमेस्‍वर तोरासबके चिन्‍हने छौ। महज तुसब कनङ फेर अइ सन्‍सारके कमजोर रितिरिबाज दिसन लागैचिही आ कथिले ओइसबके दास बनैले चाहैचिही?

युहन्‍ना 10:8

हमरसे अगा एल सब चोर आ डाकुसब छेलै, महज भेंरासब ओइसबके बात नै सुनल्‍कै।

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

युहन्‍ना 8:43

हमर कहल बात तुसब कथिले नै बुझैचिही? कथिलेकी तुसब हमर कहल बचन सुनैयोले नै चाहैचिही।

लुका 9:23

तब येसु सब लोकसबके कहल्‍कै, “कोइ हमर पछा आबैले चाहैछै त उ आपन मनके मारौक आ सबदिन आपन कुरूस बोइकके हमर पछा लागे।

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

२ तिमोथी 2:19

महज तैयो परमेस्‍वरके आपनेसे बनेल्‍हा जग सबदिन अटल छै। ओइ जगमे एहेन लिखल छै: “परभु आपन लोकसबके चिन्‍हैछै” आ “परभुके नाम लैबला सब गोरा खराब कामसे दुर रहे परतै।”

युहन्‍ना 21:22

येसु पतरुसके कहल्‍कै, “यदी हम नै आबैतक उ जिबिते रहे कैहके हमर इक्‍छाछै त तोरा कि हैछौ? तु हमर पछा लाग।”

लुका 13:27

महज उ फेनो कहतौ, ‘तुसब के चिही? हम नै चिन्‍हैचियौ। ए दुस्‍ट काम करैबलासब, हमरसे दुर चैलजो!’

मरकुस 8:34

तब येसु आपन चेलासबके साथमे एल भिरके कहल्‍कै, “कोइ हमर पछा आबैले चाहैछै त उ आपन मनके मारौक आ आपन कुरूस बोइकके हमर पछा लागे।

मतीके लिखल सुसमाचार 25:12

महज बर भितरेसे जबाफ देल्‍कै, ‘अहँ, साँचे हम तोरासबके कहैचियै, हम तोरासबके चिन्‍हबो नै करैचियौ।’

मतीके लिखल सुसमाचार 16:24

तकरबाद येसु आपन चेलासबके कहल्‍कै, “अदी जे कोइ हमर चेला बनैले चाहैछै त, उ आपन मनके मारौक आ आपन कुरूस बोइकके हमर पछा लागौक।

मतीके लिखल सुसमाचार 7:23

तखैन हम तोरासबके कहबौ, ‘हम तोरासबके चिन्‍हबो नै करैचियौ। ए दुस्‍ट काम करैबलासब, हमरसे दुर चैलजो।’

परकास 14:4

उसब कहियो नै जनिसबसङे देहके समबन्‍ध राखने छेलै आ आपनेके सुध राखने छेलै। थुमा जते जते जाइछेलै ओकर पछा लागैबला वहेसब छेलै। परमेस्‍वर आ थुमाके लेल पहिल्‍का फलके रुपमे लोकसबके बिचसे ओकरासबके मोल तिरके छुटाइने छेलै।

परेरित 3:23

ओइ अगमबक्‍ताके बात नै मानैबला सब परमेस्‍वरके लोकसबसे अलग करलजेतै आ नास हेतै।’

मरकुस 10:21

तब येसु ओकर दिसन ताइकके परेमसे कहल्‍कै, “तोहरमे एकटा औरो चिजके कमि छौ। तोहरसङे भेल्‍हा सब धन-सम्‍पती बेचके गरिबसबके बाइट दहै, तब स्‍वरगमे तोरा बहुत धन भेटतौ आ हमर पछा लाग।”