युहन्‍ना 10:11 - मध्‍य पुरविया थारू

¹¹ “असल चरबाह हम्‍ही चियै। असल चरबाह त आपन भेंरासबके लेल आपन परानो दैले पछा नै हटैछै।

युहन्‍ना 10:11 Referans Kwoze

युहन्‍ना 15:13

साथि-सङीके लेल आपन परान देनाइसे बरका परेम औरो किछो नै छै।

परकास 7:17

कथिलेत सिंहासनके बिचमे रहैबला थुमा ओकरासबके चरबाहा हेतै, ओकरासबके डोरियाइत जिबनके पानीके मुलमे लजेतै आ परमेस्‍वर ओकरासबके आँखके सब लोर पोइछदेतै।”

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।

हिबरु 13:20

भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्‍हनेछै। ओहै लहुके आधारमे सान्‍ती दैबला परमेस्‍वर ओकरा मिरतुसे फेनसे जियाइल्‍कै।

१ पतरुस 5:4

जब परधान चरबाहा परगट हेतै, तब तुसब सबदिन चम्‍कैबला मुकुट पाबबिही जकर सोभा कहियो नै घटतौ।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

युहन्‍ना 10:2

महज जे केबारबाटे ढुकैछै उ भेंराके चरबाह चियै।