युहन्‍ना 1:45 - मध्‍य पुरविया थारू

⁴⁵ तकरबाद फिलिप नथानेलके भेटके कहल्‍कै, “हमरासबके उ भेटलै जकर बारे धरमसास्‍तरमे मोसाके बेबस्‍था आ अगमबक्‍तासब सेहो लिखने छेलै। उ योसेफके बेटा नासरतके येसु चियै।”

युहन्‍ना 1:45 Referans Kwoze

लुका 24:27

तब येसु ओइसबके मोसाके किताबसब आ सब अगमबक्‍तासबसे सुरु कैरके, धरमसास्‍तरमे आपन बारेमे लिखल सबबातसबके अरथ असलसे खोइलके बुझादेल्‍कै।

मतीके लिखल सुसमाचार 2:23

ओतेसे उ नासरत नामके सहरमे रहेलाग्‍लै। अहिनङे परमेस्‍वरके अगमबक्‍तासबके कहल बात पुरा भेलै: “उ नासरी कहेतै।”

लुका 24:44

आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”

लुका 4:22

सब लोकसब येसुके परसन्‍सा करल्‍कै आ अनुगरहसे भरल येसुके बचन सुइनके छक परलै। तब उसब कहैछेलै, “कि यि योसेफके बेटा नै चियै?”

युहन्‍ना 18:7

तब येसु फेनो उसबके पुछल्‍कै, “तुसब ककरा ताकैचिही?” उसब कहल्‍कै, “नासरतके येसुके।”

मरकुस 6:3

कि यि ओह्‍या काठ मिसतिरी नै चियै से? कि यि मरियमके बेटा आ याकुब, योसेफ, यहुदा आ सिमोन के भैया नै चियै से? कि अकर बहिनसब अपनासबके सङे नै छै से?” तब उसब पिताइलै आ ओकरा बिस्‍बासे नै करल्‍कै।

मतीके लिखल सुसमाचार 21:11

अगा-पछा चलैबला भिरके लोकसब ओइसबके जबाफ देल्‍कै, “यि त गालिल परदेसके नासरतसे एल अगमबक्‍ता येसु चियै।”

परेरित 22:8

तब हम कहलियै, ‘परभु! अहाँ के चियै?’ उ कहल्‍कै, ‘हम नासरतके येसु चियै, जकरा तु सतारहल चिही।’

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।

युहन्‍ना 21:2

सिमोन पतरुस, जौवा कहाइबला थोमा, गालिलके काना सहरमे रहैबला नथानेल, जब्‍दियाके दुनु बेटासब आ ओकर औरो दुनु चेलासबसेहो सङे छेलै।

लुका 2:4

योसेफ ओहो गालिलके नासरतसे यहुदियाके बेथलेहेम सहरमे गेलै, कथिलेत उ रजा दाउदके कुल-खन्‍दानके सदस छेलै।

मरकुस 14:67

आ पतरुसके भियाइरके ताकैत कहल्‍कै, “तुहु त नासरतके येसुसङे छेल्‍ही?”

मतीके लिखल सुसमाचार 13:55

कि यि काठ मिस्‍तिरीके बेटा नै चियै? कि अकर माँ के नाम मरियम आ अकर भाइसब याकुब, योसेफ, सिमोन आ यहुदा नै चियै?

परेरित 26:9

“हम्‍हु सोचै छेलियै कि, येसु नासरीके नामके बिरोधमे बहुत काराबाही करेके परतै।

परेरित 3:6

तब पतरुस कहल्‍कै, “सोना चानी त हमरसङे नै छै, महज जे हमरसङे छै, ओह्‍या हम तोरा देबौ। नासरतके येसु खिरिस्‍टके नाममे उइठके चल!”

परेरित 2:22

“इजराएलके लोकसब, यि बात सुन, नासरतके येसु एहेन लोक छेलै, जकरा परमेस्‍वर सक्‍तिसाली कामसब, अच्‍चमके कामसब आ चेन्‍हासबसे तोरौरके अगा साबित करल्‍कौ। तोरौरके थाहे छौ कि परमेस्‍वर तोरासबके बिचमे यि सब कामसब ओकरसे कराइने छै।

युहन्‍ना 19:19

पिलातस एकटा दोस-पतरो लिखैले आ कुरूसमे टाङैले लगाइल्‍कै। उ दोस पतरमे एहेन लिखल छेलै, “नासरतके येसु, यहुदीसबके रजा।”

युहन्‍ना 18:5

तब उसब जबाफ देल्‍कै, “नासरतके येसुके।” येसु कहल्‍कै, “हम ओह्‍या चियौ।” (ओकरा पकरा दैबला यहुदो ओकरासबसङे ठारभेल छेलै।)

युहन्‍ना 6:42

उसब कहल्‍कै, “कि यि लोक योसेफके बेटा, येसु नै चियै? कि हमसब अकर माँ-बाबुके नै चिन्‍हैचियै? तब अखैन यि लोक कनङके, ‘हम स्‍वरगसे उतैरके एलचियौ’ कहैछै त?”

लुका 3:23

जब येसु तिस बरिसके रहै, तहै बखतसे परमेस्‍वरके बारेमे सिखाबे लाग्‍लै। लोकसब ओकरा योसेफके बेटा चियै से बुझहैत रहै। योसेफ एलीके बेटा छेलै,

मतीके लिखल सुसमाचार 10:3

फिलिप आ बारथोलोमाइ, थोमा आ बटी उठाइबला मती, अल्‍फयासके बेटा याकुब आ थेदियस,

लुका 2:48

येसुके देखके मरियम आ योसेफ आस्‍चरज मानल्‍कै, तब मरियम कहल्‍कै, “बेटा, तु हमरासबके कथी करलिही? देख त, तोहर बाप आ हम तोरा ताकैत-ताकैत थकित एलचियौ।”

युहन्‍ना 1:44

अन्‍दरियास आ पतरुसे जखा फिलिपो बेथसेदा सहरमे रहैबला रहै।

युहन्‍ना 6:5

जब येसु नजैर पसाइरके ताकल्‍कै त लोकसबके बरका भिर आपन दिसन आबैत देखके फिलिपके पुछल्‍कै, “अकरासबके खियाइले अपनासब कतेसे रोटी आनबिही?”

युहन्‍ना 6:7

फिलिप ओकरा जबाफ देल्‍कै, “दुइ सय चानीके डलरसे किनल रोटी कन्‍हिको-कन्‍हिको देतै तैयो ओइसबके नै पुग्‍तै।”

युहन्‍ना 12:21

उसब गालिल परदेसके बेथसेदा गामके फिलिप लग आइबके बिन्‍ती करैत कहल्‍कै, “हजुर, हमसब येसुसे भेट करैले चाहैचियै।”

युहन्‍ना 14:8

फिलिप येसुके कहल्‍कै, “परभु, हमरासबके पिता देख्‍यादिय। ओतबेसे हमरासबके पुइग जेतै।”

लुका 18:37

लोकसब ओकरा जबाफ देल्‍कै, “नासरतके येसु यहै बाटे ज्‍यारहल छै।”