युहन्‍ना 1:44 - मध्‍य पुरविया थारू

⁴⁴ अन्‍दरियास आ पतरुसे जखा फिलिपो बेथसेदा सहरमे रहैबला रहै।

युहन्‍ना 1:44 Referans Kwoze

युहन्‍ना 12:21

उसब गालिल परदेसके बेथसेदा गामके फिलिप लग आइबके बिन्‍ती करैत कहल्‍कै, “हजुर, हमसब येसुसे भेट करैले चाहैचियै।”

मतीके लिखल सुसमाचार 11:21

“धिक्‍कार तोरा खोराजिनके बासिसब! आ धिक्‍कार तोरा बेथसेदाके बासीसब! कथिलेत तोरासबके बिचमे करलाहा अजगुतके कामसब टुरोस आ सिदोन सहरमे करनेरहतीयै त ओतेका लोकसब आपन-आपन पाप माइनके बोराके बस्‍तर लग्‍याके छौरमे बैठके पस्‍चाताप करतियै।

लुका 10:13

“धिक्‍कार तोरा खोराजिनके बासिसब! आ धिक्‍कार तोरा बेथसेदाके बासिसब! कथिलेत तोरासबके बिचमे करलाहा अच्‍चमके कामसब टुरोस आ सिदोन सहरमे करनेरहतीयै त ओतेका लोकसब आपन-आपन पाप माइनके बोराके पहिरन लगाके छौरमे बैठके पस्‍चाताव करतियै।

लुका 9:10

तकरबाद येसुके पठेल्‍हा चेलासब घुइमके एलै आ उसबके करल सब कामसब सुनाइल्‍कै। तब येसु चुपचाप चेलासबके लके बेथसेदा सहरमे गेलै।

मरकुस 8:22

तकरबाद येसु आ ओकर चेलासब बेथसेदामे एलै। ओते लोकसब एकटा आन्‍हर लोकके येसु लग आनल्‍कै आ अकरा छुइबके निक कैरदिय कैहके ओकरसे बिन्‍ती करल्‍कै।

मरकुस 6:45

तब येसु तुरन्‍ते आपन चेलासबके नाहमे चहैरके ओइपार बेथसेदामे अपना जाइसे पहिने जाइले लगाइल्‍कै। महज उ लोकसबके भिरके बिदा करैले ओतै रैहगेलै।

मरकुस 3:18

यहिनङे कैरके अन्‍दरियास, फिलिप, बारथोलोमाइ, मती, थोमा, अल्‍फयासके बेटा याकुब, थेदियस, सिमोन कनानी,

मतीके लिखल सुसमाचार 10:3

फिलिप आ बारथोलोमाइ, थोमा आ बटी उठाइबला मती, अल्‍फयासके बेटा याकुब आ थेदियस,

परेरित 1:13

सहर भितर ढुक्‍लाके बाद उसब उपरका महलाके कोठलीमे गेलै, जते उसब रहैछेलै। उसब पतरुस, युहन्‍ना, याकुब, अन्‍दरियास, फिलिप आ थोमा, बारथोलोमाइ आ मती, अल्‍फयासके बेटा याकुब आ देसभक्‍त दलके सिमोन आ याकुबके बेटा यहुदा छेलै।

लुका 6:14

सिमोन (जकरा येसु पतरुस नाम देने छेलै) आ अन्‍दरियास (सिमोनके भाइ), याकुब, युहन्‍ना, फिलिप, बारथोलोमाइ,

युहन्‍ना 1:43

तकर बिहानके येसु गालिल इलाका जाइले निरनय कैरके निकललै। तहै बखत ओकरा फिलिपसङे भेट भेलै आ उ ओकरा कहल्‍कै, “हमर पछा लाग।”

युहन्‍ना 1:45

तकरबाद फिलिप नथानेलके भेटके कहल्‍कै, “हमरासबके उ भेटलै जकर बारे धरमसास्‍तरमे मोसाके बेबस्‍था आ अगमबक्‍तासब सेहो लिखने छेलै। उ योसेफके बेटा नासरतके येसु चियै।”

युहन्‍ना 1:46

यि सुइनके नथानेल कहल्‍कै, “कि नासरतसे कोनो निक बात आइब सकैछै?” तब फिलिप ओकरा कहल्‍कै, “आइबके देखले।”

युहन्‍ना 1:48

तब नथानेल पुछल्‍कै, “अहाँ हमरा कनङके चिन्‍हलियै?” येसु जबाब देल्‍कै, “फिलिप तोरा बोलाइसे पैहनैये हम तोरा अन्‍जिरके गाछतरमे रहैत खिना देखने छेलियौ।”

युहन्‍ना 6:5

जब येसु नजैर पसाइरके ताकल्‍कै त लोकसबके बरका भिर आपन दिसन आबैत देखके फिलिपके पुछल्‍कै, “अकरासबके खियाइले अपनासब कतेसे रोटी आनबिही?”

युहन्‍ना 6:7

फिलिप ओकरा जबाफ देल्‍कै, “दुइ सय चानीके डलरसे किनल रोटी कन्‍हिको-कन्‍हिको देतै तैयो ओइसबके नै पुग्‍तै।”

युहन्‍ना 12:22

फिलिप ज्‍याके अन्‍दिरियासके कहल्‍कै तब अन्‍दरियास आ फिलिप दुनु ज्‍याके यि बात येसुके कहल्‍कै।