युहन्‍ना 1:12 - मध्‍य पुरविया थारू

¹² जेसब ओकरा सुइकार करल्‍कै आ ओकरमे बिस्‍बास करल्‍कै, तैसबके उ परमेस्‍वरके धियापुता हैके हक देल्‍कै।

युहन्‍ना 1:12 Referans Kwoze

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।

रोमी 8:14

परमेस्‍वरके आत्‍मा अनुसार चलैबलासब परमेस्‍वरके बेटा-बेटीसब चियै।

१ युहन्‍ना 3:1

देख्‍ही त, पिता अपनासबके कतहेक परेम करने छै, जे साँचोके हमसब परमेस्‍वरके बेटा-बेटी कहाइचियै। सन्‍सारके लोकसब परमेस्‍वरके नै चिन्‍हलाके कारन अपनासबके नै चिन्‍हैछै।

गलाती 4:6

तुसब परमेस्‍वरके बेटा-बेटी भेलासे उ आपन बेटाके आत्‍मा अपनासबके हिरदयमे राइखदेनेछै, जैसे “हे अब्‍बा, पिता!” कैहके पुकारैचिही।

युहन्‍ना 3:18

ओकर उपर बिस्‍बास करैबला कोइने दोसी ठहरतै, महज ओकर उपर बिस्‍बास नै करैबलासब पहिने दोसी ठहैरगेलछै। कथिलेत उसब परमेस्‍वरके एकलौता बेटाके बिस्‍बास नै करने छै।

कलस्‍सी 2:6

जहिनङ खिरिस्‍ट येसुके तुसब परभु कैहके सुइकार करलिही तहिनङ तुसब ओकरमे रैहके जिबन बिता।

मतीके लिखल सुसमाचार 10:40

“जे तोरासबके सुइकार करतौ उ हमरा सुइकार करतै आ जे हमरा सुइकार करतै उ हमरा पठाइबलाके सुइकार करतै।

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

२ पतरुस 1:4

ओकर महिमा आ भलाइके कारन उ अपनासबके अनमोल आ महान परतिग्‍यासब उ अपनासबके देनेछै, ताकी अइ सन्‍सारके अधलाह इक्‍छासे आबैबला बेकार बातसे बाँइचके इस्‍वरीय स्‍वभावमे सहभागी हो।

मतीके लिखल सुसमाचार 12:21

आ सब जातीके लोकसब ओकरे नाममे आसा राख्‍तै।”

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।

परेरित 3:16

येसुके सक्‍तिसे आ ओकर नाममे बिस्‍बास करलासे यि लोक निक भेलै जकरा देखरहलचिही आ चिन्‍हबो करैचिही। येसुमे करल बिस्‍बासके कारन यि लोक तोरौरके सबके सामने निक भेलौ।

युहन्‍ना 11:52

यहुदीसबके देसके लेल मातरे नै, महज जते-तते छिरियाल परमेस्‍वरके बेटा-बेटीसबके एकसाथ जमा करैके लेल एहेन कहलगेल छेलै।

युहन्‍ना 1:7

ओकरेसे सबकोइ इजोतमे बिस्‍बास करे कैहके इजोतके गबाही दैले उ साक्‍छी भ्‍याके एलै।

मतीके लिखल सुसमाचार 18:5

जे कोइ यि छोट बच्‍चाके हमर नाममे सुइकार करतै, उ हमरा सुइकार करतै।

युहन्‍ना 2:23

जब येसु निस्‍तार पाबैनके बखत यरुसलेममे छेलै, तै बखत बहौत लोकसब ओकर अजगुतके कामसब देखके उसब ओकरमे बिस्‍बास करल्‍कै।

युहन्‍ना 1:11

उ आपने लोकसबलग एलै, महज ओकर आपने लोकसब ओकरा सुइकार नै करल्‍कै।

रोमी 8:16

हमसब परमेस्‍वरके बेटा-बेटी चियै कैहके पबितर आत्‍मा स्‍वयम आपनेसे अपनासबके आत्‍माके गबाही दैछै।

रोमी 8:19

परमेस्‍वर आपन बेटा-बेटीसबके परकट करैबला दिनके सारा सिरिस्‍टी भारी उतसुकताके साथ असियालछै।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

१ युहन्‍ना 3:10

परमेस्‍वरके बेटा-बेटी आ सैतानके बेटा-बेटी अहिनङके चिन्‍हैले सकैचियै कि धारमिकतामे नै चलैबला आ आपन भाइ-भैयासबके परेम नै करैबला परमेस्‍वरके बेटा-बेटी नै हैछै।