युहन्‍ना 1:1 - मध्‍य पुरविया थारू

¹ सिरिस्‍टी हैसे पहिने बचन रहै। बचन परमेस्‍वरसङे रहै आ बचने परमेस्‍वर रहै।

युहन्‍ना 1:1 Referans Kwoze

युहन्‍ना 17:5

हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

परकास 19:13

उ लहुमे डुब्‍याल बस्‍तर लगाइने रहै। ओकर नाम “परमेस्‍वरके बचन” छेलै।

कलस्‍सी 1:17

वह्‍या सब चिज सिरिस्‍टी हैसे पहिनेसे छेलै आ ओकरेमे सब चिज अरल छै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

परकास 22:13

हम अल्‍फा आ ओमेगा, पहिन्‍का आ पछिल्‍का, सुरु आ अन्‍त चियौ।”

युहन्‍ना 1:2

उ सुरुवेसे परमेस्‍वरसङे छेलै।

परकास 1:8

सरबसक्‍तिमान परभु परमेस्‍वर कहैछै, “सुरु आ अन्‍त हम्‍ही चियै।” हम उहे चियै, जे छै, जे छेलै आ जे एतै।

फिलिप्‍पी 2:6

उ बास्‍तममे परमेस्‍वर छेलै, महज परमेस्‍वरके बाराबरी हैबला बातके बिचार नै करल्‍कै।

मतीके लिखल सुसमाचार 1:23

“देख, कुमाइर छौरीके देहभारी हेतौ आ उ एकटा बेटा जलमाइतौ आ ओकर नाम इम्‍मानुएल राखल जेतै” जकर अरथ हैछै, “परमेस्‍वर हमरासबसङे छै।”

परकास 21:6

उ हमरा कहल्‍कै, “आब सबकाम पुरा भ्‍यागेलै! अल्‍फा आ ओमेगा, सुरु आ अन्‍त हम्‍ही चियै। जकरा-जकरा पियास लागल छै, हम ओइसबके मङनिएमे जिबनके पानीके भबसे पियैले देबै।

हिबरु 13:8

येसु खिरिस्‍ट काइल, आजु आ सबदिन एकसमान रहैछै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

युहन्‍ना 16:28

हम पितालगसे सन्‍सारमे एलचियै, आब फेनो सन्‍सार छोइरके पितालग घुइमके ज्‍यारहल चियै।”

परकास 1:17

ओकरा देखके हम मरल जखा भेलियै आ ओकर टाङमे खैस परलियै। तखन उ हमर मुरमे दहिना हाथ राखैत कहल्‍कै, “नै डेरा, सुरु आ अन्‍त हम्‍ही चियै।

युहन्‍ना 20:28

थोमा कहल्‍कै, “हे हमर परभु, हमर परमेस्‍वर!”

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

हिबरु 7:3

मल्‍कीसेदेकके बाबु-माँ आ ओकर बंसके बारेमे कुछो थाह नै छै। ओकर जलम आ मरनके बारेमे सेहो कुछो थाह नै छै। परमेस्‍वरके बेटा जखा उ सबदिनके लेल पुजारी चियै।

परकास 3:14

“लाउडिकियाके मन्‍डलीके देख-भाल करैबला दुतके यि लिख: ‘परमेस्‍वरके सिरिस्‍टीके सासक, जे बिस्‍बास योग्‍य, साँचो साक्‍छी आ आमेन चियै, उ अनङ कहैछै।

एफिसी 3:9

सब चिजके सिरिस्‍टी करैबला परमेस्‍वरमे जुगो-जुगतक घोसाइरके राखल रहसके योजना कि चियै, से बात सबलोकके खुलस्‍त रुपमे बताइबला काम हमरा देने छै।

परकास 1:2

युहन्‍ना आपनसे देखल सब बात लिख्‍नेछै। उ परमेस्‍वरके बचन आ येसु खिरिस्‍टके देख्‍याल सत बातके गबाही अइ किताबमे लिखनेछै।

१ युहन्‍ना 5:7

तिन तरहसे ओकर बारेमे साक्‍छी देलगेल छैः

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

परकास 2:8

“इस्‍मुरनामे भेल मन्‍डलीके देख-भाल करैबला दुतके यि लिख, ‘जे सुरु आ अन्‍त चियै, उ मरियोके जिबित हैबला अनङ कहैछै।

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

परकास 1:11

“तु जे देखैचिही, से एकटा किताबमे लिख आ सातो मन्‍डलीके अरथात एफिसस, इस्‍मुरना, परगामम, थिआटिरा, सारडिस, फिलाडेल्‍फिया आ लाउडिकियाके पठा।”

लुका 24:53

तब उसब लगातार मन्‍दिरमे जमा भ्‍याके परमेस्‍वरके इस्‍तुति-परसन्‍सा करैत रहलै।

युहन्‍ना 8:58

तब येसु ओकरासबके कहल्‍कै, “हम तोरासबके साँचोके कहैचियौ, अबराहमके जलमसे पहिनेसे हम चियै।”

कलस्‍सी 1:15

खिरिस्‍ट त नै देखैबला परमेस्‍वरके देखैबला रुप चियै। उ सारा सिरिस्‍टीके उपर अधिकार करैछै।