याकुब 5:3 - मध्‍य पुरविया थारू

³ सोना-चानीमे बिज लाइग गेल्‍छौ। एह्‍या बिज तोरासबके बिरोधमे गबाही देतौ आ आइगके जखा तोरासबके देहके जराइतौ। यि जुगके अन्‍तके दिनमे तुसब धन-सम्‍पैतके ढेरी लगाइनेचिही।

याकुब 5:3 Referans Kwoze

रोमी 2:5

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

२ पतरुस 3:3

सबसे पहिने तोरासबके यि बुझैले परतौ कि, अन्‍तके दिनमे अधलाह लोक आपन स्‍वारथ चाहना बाहेक औरो किछो नै सोच्‍तै। उसब तोरासबके खिसी करैत कहतौ,

२ तिमोथी 2:17

एहेन सिक्‍छा त भितरे-भितर सैंरते जाइबला घाउ जखा हैछै। एहेन सिक्‍छा दैबलामेसे हुमेनियस आ फिलेतस चियै।

परकास 17:16

तु जे जानबर आ दसटा सिङके देखलिही, उ ओइ बेबिचारनी जनिके घिरना करतै। उसब ओकर सब चिज लुइटके नङटे बनाइतै आ ओकर मासु खेतै आ ओकरा आइगसे नास कैरदेतै।

परेरित 2:17

परमेस्‍वर कहैछै, ‘अन्‍तके दिनमे हमसब लोकसबके आपन आत्‍मा परसस्‍त कैरके देबै, तोहर बेटासब आ बेटीसब अगमबानी बोल्‍तौ आ तोरौरके जबानसब दरसन देख्‍तै आ बुढवासब सपना देख्‍तै।