याकुब 4:3 - मध्‍य पुरविया थारू

³ तुसब माङैचिही महज नै पाबैचिही, कथिलेकी आपन अभिलासा पुरा करैके लेल बेठिक हिसाबसे माङैचिही।

याकुब 4:3 Referans Kwoze

१ युहन्‍ना 5:14

परमेस्‍वरके इक्‍छा बमौजी जे कुछ माङैचियै उ अपनासबके परथना सुनैछै कैहके अपनासबके पुरा बिस्‍बास छै।

१ युहन्‍ना 3:22

तब अपनासब जे माङबिही से सब चिज ओकरेसे पाबबिही कथिलेत अपनासब ओकर आग्‍या मानैचियै आ ओकरा निक लागैबला काम करैचियै।

याकुब 4:1

तोरासबके बिचमे लराइ आ झगरासब कोन बातसे आनैछौ? कि यि सब तोहर देहके भोगबिलासके अभिलासासे नै आबैछौ, जे तोरासबके भितरमे सङघर्‌स करैत रहैछौ?

लुका 15:13

“कुछ दिनके बाद छोटका बेटा सब धन-समपैत जमा कैरके दोसर देस चैलगेलै आ ओते उ आपन मौज-मस्‍तीमे खा-पिके सब समपैत उराइल्‍कै।

मरकुस 10:38

महज येसु ओइसबके कहल्‍कै, “तुसब कथी माङैचिही से तुसब नै जानैचिही। जे दुखके बाटी हम पियैचियै, से तुसब पिए सकबिही? या जे बप्‍तिस्‍मा हम लेनेचियै, उ बप्‍तिस्‍मा तुसब लेबे सकबिही?”

मतीके लिखल सुसमाचार 20:22

येसु ओकरा जबाब देल्‍कै, “तुसब कथी माइङरहलचिही से नै जानैचिही। जे दुखके बाटी हम पिये लागलचियै, कि उ तुसब पिये सकबिही?” उसब कहल्‍कै, “जी, सक्‍बै।”

लुका 15:30

महज अहाँके सम्‍पैत रन्‍डीवाजमे उराइबला बेटा एल त बरका मोटगरहा खसी काइटके भोज करलियै।’

लुका 11:10

कथिलेत जे माङैछै, उ पाबैछै, जे खोजैछै ओकरा भेटैछै आ जे ढकढकाबैछै ओकर खातिर खुलैछै।