याकुब 4:11 - मध्‍य पुरविया थारू

¹¹ हे भाइ-भैयासब, तुसब एक-दोसरके बिरोधमे खराब बात नै बोल। जे आपन भाइके बिरोधमे खराब बात बोल्‍तै या आपन भाइके दोख लगाइतै, उ बेबस्‍थाके बिरोधमे बोल्‍तै आ बेबस्‍थाके दोस लगाइतै। यदि तु बेबस्‍थाके दोसी ठहराइचिही त, तु बेबस्‍थामे लिखल अनुसार नै चलैचिही, महज तु आपनेके बेबस्‍थासे बेसी अधिकार भेल नियायधिस सम्‍झैचिही।

याकुब 4:11 Referans Kwoze

१ पतरुस 2:1

अहैलेल तुसब दुस्‍टतासे, छल-कपटसे, सब डाहसे आ सब निन्‍दासे दुरे रह।

रोमी 2:1

हे लोकसब, कि तु दोसरके दोस लगाइचिही? तोरासबमेसे चाहे जे कोइ हेबे दोसी नै चियै कैहके बहाना करैबला कोनो कारन नै छौ। दोसरके दोस लगाइबला तु आपनेके दोसी ठहरबिही, कथिलेत जे कामके लेल दोसरके दोस लगाइचिही, उ काम तु आपने करैचिही।

याकुब 5:9

हौ भाइ-भैयासब, एक-दोसरके बिरोधमे नै गनगनाइत रह, नै त तुसब दोसी ठहरबे। देख, नियाय करैबला देहरीएमे आइबगेलछौ।

लुका 6:37

“ककरो दोस नै लगा तोरोसबके परमेस्‍वर दोस नै लगाइतौ। दोसरके गलत नै ताक तब परमेस्‍वर तोरोसबके गल्‍ती नै ताकतौ। लोकसबके छमा दहै तब परमेस्‍वर तोरोसबके छमा करतौ।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

एफिसी 4:31

मनमे खराब बात नै ले, झै-झगरा आ रिस नै कर। अपमान करैबला बात नै बोल, सब किसिमके दुस्‍मनी त्‍यागदहै।

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

२ तिमोथी 3:3

ओइसबमे मया-दया नै रहैछै आ छमा नै करैछै। उसब दोसरके बारेमे चुगली लगाइबला आ राँड़ हैछै आ निक बातके मन नै पराइछै।

१ तिमोथी 3:11

तहिनङ कैरके ओकरासबके घरबालीसब सेहो आदर पाबैबाली हैके चही। उसब दोसरके बदनाम नै करैबली, आपनके बसमे राखैबाली आ सब बातसबमे बिस्‍बास योग्‍य हैलेपरतै।

रोमी 7:7

ओनङ चियै त हमसब आब कथि कहबै? कि बेबस्‍था पाप चियै त? ओनङ नै चियै। बेबस्‍था नै रहतियै त पाप कथि चियै से हम थाहे नै पाबतियै, कथिलेत “तु लोभ नै कर” कैहके बेबस्‍था नै कहने रहतियै त लोभ नै करैके हैछै कैहके हम थाहे नै पाबतियै।

रोमी 2:13

कथिलेकी बेबस्‍था सुइनके मातरे लोकसब परमेस्‍वरके नजरमे धरमी नै ठहरतै महज बेबस्‍था पालन करैबलासब धरमी ठहरतै।

याकुब 1:25

महज जे लोकसबके छुटकरा दैबला सिध बेबस्‍था निहाइरके ध्‍यान लगाबैछै आ ओइमे लागल रहैछै, उ सुइनके नै बिसरैछै महज पालन करैछै, उ आपनेसे करल काममे आसिस पाबतै।

तितस 2:3

तहिनङे, बुढ जनिसबके परमेस्‍वरके आदर हैबला असल चालचलनके जिबन जियैके लेल सिखा। उसब बिना कारन ककरो निन्‍दा नै करे आ निसाबला चिजके बसमे नै परे बरु जे चिज असल छै उ औरो दोसर गोराके सिखाबे।

याकुब 1:16

हे हमर पिरिय भाइ-भैयासब, तोरौरके आपनेसे धोखा नै खो।

याकुब 1:19

हे हमर पिरिय भाइ-भैयासब, यि बात तोरौरके जान। सुनैमे जल्‍दी, बाजैमे अस्‍थिर, तामसमे कम हैलेपरतै।

याकुब 2:8

यदि तुसब “आपन परोसियासबके आपने जखा परेम कर” कैहके पबितर धरमसास्‍तरमे लिखल परमेस्‍वरके राजकिय नियमके पालन करैचिही त तोरौरके असले करैचिही।

याकुब 5:7

अहै खातिर हे भाइ-भैयासब, परभु नै आबैतलिक धिरज धैरके रह। देख, खेति-किसानी करैबला अगिल्‍का आ पछिल्‍का बरखा नै है तलिक धिरज धैरके कनङ जमिनसे बहुमुल्‍य उबजनीके लेल असियाल रहैछै।

याकुब 5:10

हे भाइ-भैयासब, दुख कस्‍टमे धिरज कैरके सहैबला आ परभुके नाउमे बचन बोलैबला अगमबक्‍तासबके याद कर।