याकुब 3:2 - मध्‍य पुरविया थारू

² बास्‍तममे अपनासब भुलचुकमे बहौतरा गल्‍ती करैचियै। बोलि-बचनमे कहियो गल्‍ती नै बाजैबला लोक सिध लोक चियै। उ लोक आपन पुरा सरिरमे लगाम लगाइले सक्‍तै।

याकुब 3:2 Referans Kwoze

याकुब 1:26

कोइ आपनके धरमी सम्‍झैछै, महज आपन जिहके लगाम नै लगाइछै त उ आपनेके धोखा दैछै आ ओकर धरम-करम बेरथ हैछै।

१ पतरुस 3:10

कथिलेकी पबितर धरमसास्‍तरमे एहेन लिखलछै, “जे खुसि जिबन बिताबैके चाहना करैछै आ असल दिन देखैले चाहना करैछै से आपन जिहसे खराब बोली बाजैसे आ आपन ठोरसे छली बात बाजैसे दुर राखे।

मतीके लिखल सुसमाचार 12:37

कथिलेत तोहर बोलल्‍हा आपने बातसबसे दोसी आ निरदोसी ठहरबिही।”

रोमी 3:10

पबितर धरमसास्‍तरमे एहेन लिखलछै, “धरमी कोइ नै छै, एकोटा नै छै।

याकुब 1:4

धिरजके पुरा रुपसे काम करैले दहै आ कोनो बातमे नै चुइकके आत्‍मिकी रुपमे परिपक आ सिध हैकेलेल सब किसिमके जाँचसब सहैत अस्‍थिर रहैके सिख।

याकुब 2:10

यदि कोइ बेबस्‍थाके एकोटा बातके अपहेलना करतै त ओकरा पुरे बेबस्‍थाके अपहेलनाके दोख लाग्‍तै।

१ कोरन्‍थी 9:27

हम आपन देहके बसमे राखैके लेल तालिम द्‍याके खेलारी जखा अनुसासनमे राखैचियै। नै त औरोके परचार करलाके बाद हम आपने अयोग्‍य ठहरबै।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

कलस्‍सी 1:28

तैखातिर हमसब ग्‍यानमे सबलोकके चेताबनी आ सिक्‍छा दैत खिरिस्‍टके बारेमे परचार करैचियौ ताकी सबलोकके खिरिस्‍टमे परिपक बन्‍याके परमेस्‍वरके अगा लाबैले सकी।

गलाती 3:22

महज येसु खिरिस्‍टमे बिस्‍बास करैबलासबके परमेस्‍वरके परतिग्‍याके आसिस पाबैले सके कैहके सबके पापके अधिनमे राखल छै कैहके धरमसास्‍तर कहैछै।

रोमी 7:21

हमर जिबनमे एकटा नियम काम करने छै कैहके थाह पाबलियै। जब हम भलाइके काम करैले चाहैचियै, तब दुस्‍ट इक्‍छा सेहो हमरसङे रहैछै।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

गलाती 5:17

कथिलेत पापी स्‍वभाबके ललसा पबितर आत्‍माके आ पबितर आत्‍माके ललसा पापी स्‍वभाबके बिरोध करैछै। यि दुनु एक दोसरके दुस्‍मन चियै आ तोरासबके करैले चाहल बात कहियो पुरा हैले नै देतौ।

मतीके लिखल सुसमाचार 12:34

ए बिखधर साँपके बच्‍चासब! तुसब आपने दुस्‍ट चिही त, कनङके असल बात बोले सकबिही? कथिलेत मनके भितरमे जे बात रहैछै स्‍याहा बात मुहसे निकलैछै।