याकुब 3:16 - मध्‍य पुरविया थारू

¹⁶ जते डाह आ स्‍वारथ छै, ओते गन्‍जागोल आ सब परकारके दुस्‍ट कामसब हैछै।

याकुब 3:16 Referans Kwoze

याकुब 3:14

महज यदि तोरासबके मनमे जरनी आ स्‍वारथ छौ त आपन बुइधमे घमन्‍ड नै कर आ सतके झुठ नै बना।

१ कोरन्‍थी 3:3

कथिलेत तुसब अखुन्‍तो सन्‍सारके लोकसब जखा जिबन बिताबैचिही। यदि तोरासबके बिचमे डाह आ झगरा छौ त, कि तुसब सन्‍सारके औरो लोकसब जखा बेबहार नै करैचिही से?

१ कोरन्‍थी 14:33

कथिलेत परमेस्‍वर गोलमालके परमेस्‍वर नै चियै, महज सान्‍तीके परमेस्‍वर चियै। जनङ सब मन्‍डलीमे भेल्‍हा सन्‍तसबके तौरतरिका अनुसार परमेस्‍वरके बिस्‍बासीसबमे छै।

१ युहन्‍ना 3:12

अपनासब कयिन जखा नै हेबेपरतै। उ सैतानके लोक भेलाके कारन आपन भाइ हाबिलके मारल्‍कै। उ कथिले आपने भाइके मारल्‍कै? कथिलेत ओकर कामसब दुस्‍ट छेलै। महज ओकर भाइके काम धरमी छेलै।

गलाती 5:20

मुरतिपुजा, जादु-टोना, दुस्‍मनी, झै-झगरा, रिस, आरिस, आपने भलाइ नै सोच, मनमोटाब, गुटबन्‍दी,

परेरित 19:29

तब पुरे सहरमे हुलदङा मच्‍लै आ उसब एकमत भ्‍याके पावलके सहकरमी माकेडोनिया बासि गायस आ अरिस्‍तारखसके पकैरके रङसालामे घिस्‍याइते ल्‍यागेलै।

रोमी 2:8

महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

मरकुस 3:25

कोनो घरोमे आपनमे फुट हेतै त उ घर नै टिकतौ।