याकुब 3:1 - मध्‍य पुरविया थारू

¹ हे हमर भाइ-भैयासब, तोरासबमेसे बहौत गोरा मन्‍डलीमे बचन सिखाइबला हैले नै खोज, कथिलेकी सिक्‍छा दैबलाके नियाय दोसर लोकसे बेसी कठोरसे हेतै से तुसब जानैचिही।

याकुब 3:1 Referans Kwoze

१ तिमोथी 1:7

उसब मोसाके बेबस्‍था सिखाबैबला गुरु हैले चाहैछै महज कथी बोइलरहल छै आ कथिके बारेमे बिसेस सिखाइछै से आपने नै जानैछै।

१ पतरुस 5:3

तोरासबके जिम्‍मामे देल बिस्‍बासीसब उपर हुकुम नै चला महज ओइसबके लेल एकटा उदाहरन बन।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

मतीके लिखल सुसमाचार 23:13

“तोहे धरमगुरुसबके आ फरिसीसबके धिक्‍कार! तुसब कपटी चिही! कथिलेत तुसब स्‍वरगके राजके केबार खोलैबला कुजी त लेल्‍ही, महज नै अपने ढुकलिही नै दोसरके ढुकैले देल्‍ही।

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

एफिसी 4:11

वह्‍या ककरो आपन परेरितसब, ककरो अगमबक्‍तासब, ककरो परचारकसब, ककरो मन्‍डलीके देख-भाल करैबला पास्‍टरसब आ ककरो सिक्‍छकसब नियुक्‍त करल्‍कै।

२ कोरन्‍थी 5:10

कथिलेकी हम सबगोरा खिरिस्‍टके नियाय आसनके सामने खरा हैलेपरतै। ताकी हमसब अइ देहमे करल असल या खराब काम अनुसारके परतिफल पाब्‍बै।

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

लुका 16:2

तब मालिक ओइ मुन्‍सीके बोल्‍याके कहल्‍कै, ‘तोहर बारेमे हम यि कथी सुनैचियौ? तोहर सब कामके हिसाब हमरा बुझ्‍हा। आइके बाद तु हमर मुन्‍सी नै रहबिही।’

२ तिमोथी 1:11

एह्‍या सुसमाचार सुनाइके खातिर हम परचारक, परेरित आ गुरु नियुक्‍त भेलचियै।

युहन्‍ना 3:10

तब येसु जबाब देल्‍कै, “तु त इजराएलके गुरु चिही, तैयो यि बात नै बुझैचिही?

मतीके लिखल सुसमाचार 10:24

“चेला आपन गुरुसे बरका नै हैछै आ नै त नोकर आपन मालिकसे।

लुका 6:37

“ककरो दोस नै लगा तोरोसबके परमेस्‍वर दोस नै लगाइतौ। दोसरके गलत नै ताक तब परमेस्‍वर तोरोसबके गल्‍ती नै ताकतौ। लोकसबके छमा दहै तब परमेस्‍वर तोरोसबके छमा करतौ।

मतीके लिखल सुसमाचार 9:11

यि देखके फरिसीसब येसुके चेलासबके कहल्‍कै, “तोरौरके गुरु बटी उठाइबलासब आ पापीसबसङे कथिले खाइछौ?”

परेरित 13:1

एन्‍टिओखिया सहरके मन्‍डलीमे अगमबक्‍तासब आ सिक्‍छा दैबला लोकसब रहै। उसब बरनाबास, करिया कहाइबला सिमियोन, कुरेनीमे रहैबला लुकियस, रजा हेरोदेसङे पालन-पोसन भेल मनेन आ साउल रहै।

याकुब 1:16

हे हमर पिरिय भाइ-भैयासब, तोरौरके आपनेसे धोखा नै खो।

याकुब 1:19

हे हमर पिरिय भाइ-भैयासब, यि बात तोरौरके जान। सुनैमे जल्‍दी, बाजैमे अस्‍थिर, तामसमे कम हैलेपरतै।

याकुब 3:10

एकेटा मुहसे आसिरबाद आ सराप दुनु निक्‍लैछै। हे हमर भाइ-भैयासब अनङ त नै हैकेचाही!

मतीके लिखल सुसमाचार 23:14

[“तोहे धरमगुरुसबके आ फरिसीसबके धिक्‍कार! तुसब कपटी चिही! तुसब बिधुवासबके घर हरैप लैचिही आ देखाबैले बरिखानतक परथना करैचिही। साँचे तुसब त औरोसबसे बेसी कठोर सजाय पाबबिही।]