याकुब 2:14 - मध्‍य पुरविया थारू

¹⁴ हे हमर भाइ-भैयासब, यदी कोनो लोक “हम परमेस्‍वरमे बिस्‍बास करैचियै” त कहतै, महज ओकर इक्‍छा बमौजी नै चल्‍तै त कोन फाइदा? कि एहेन लोकके परमेस्‍वर बचाइतै त?

याकुब 2:14 Referans Kwoze

लुका 6:49

महज जे सुनियोके नै करैछै, से कोइ एकटा एहेन लोक चियै जे जग बिनाके घर बनाइछै। जब बरसा भेलै, बाइरह एलै, बिहाइर चललै तब ओकर घर खैसके बहुत बरका बरबादी भेलै।”

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

२ पतरुस 1:5

तैल्‍याके तुसब सब परकारके मेहनतसे आपन बिस्‍बासमे सदगुन आ सदगुनमे ग्‍यान थप,

याकुब 2:26

जनङ परान बिनाके देह मरल रहैछै, तैहनङे कामबिनाके बिस्‍बास मरल रहैछै।

हिबरु 11:17

परमेस्‍वर अबराहमके जाँच करैबेर बिस्‍बासके भरमे अबराहम आपन बेटा इसहाकके बली चरहाइके लेल तयार भेलै। अबराहम परतिग्‍या करल चिज त पाबने छेलै, तैयो उ आपन एकलौता बेटाके बली चरहाइके लेल तयार भेलै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

याकुब 2:18

महज कोइ हमरा पुछतै, “कि तु परमेस्‍वरमे बिस्‍बास करैचिही?” हम त कहबै, “हम ओकर आग्‍या अनुसार काम करैचियै। ओकर आग्‍यापालन बिना करल आपन बिस्‍बास देखा त? हम त कामसे आपन बिस्‍बास देखाइबै।”

परेरित 8:21

यि काममे नै तोहर कोनो अधिकारे छौ नै कोनो हिस्‍से, कथिलेत परमेस्‍वरके नजरमे तोहर मन भरस्‍ट भेल छौ।

मतीके लिखल सुसमाचार 5:20

कथिलेत हम तोरासबके कहैचियौ, तोरासबके धारमिक्‍ता धरमगुरुसब आ फरिसीसबसे बेसी नै हेतौ त तुसब कोनो भि हालतमे स्‍वरगके राजमे नै ढुकबिही।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

गलाती 5:13

भाइ-भैयासब, तुसब स्‍वतन्‍तर हैले बोल्‍याल गेलचिही। यि स्‍वतन्‍तरताके आपन पाप स्‍वभाबके इक्‍छा पुरा करैले परयोग नै कर। बरु परेमसे एक दोसरके भलाइ कर।

१ कोरन्‍थी 15:2

हमर परचार करल उ सुसमाचारमे बिस्‍बास करैले नै छोरबिही त तुसब उदार पाबबिही, नै त तोरासबके करल बिस्‍बास बेरथ हेतौ।

परेरित 15:9

परमेस्‍वर ओकरासबमे आ अपनासबमे कोनो भेदभाव नै करल्‍कै, महज ओइसबके मन सुध करल्‍कै कथिलेत उसब परभुमे बिस्‍बास करल्‍कै।

याकुब 2:16

तकरा तोरासबमेसे कोइ “सान्‍तीसे जो, गरमाके रह आ भैर पेट खो” कहबिही महज ओकर सरिरके लेल आबसेक भेल चिज किछो नै देब्‍ही त कथी फैदा भेलै?

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।

परेरित 8:13

सिमोन सेहो बिस्‍बास करल्‍कै आ बप्‍तिस्‍मा लेल्‍कै। तब उ फिलिप सङे रहेलाग्‍लै, फिलिपके करल चेन्‍हासब आ अचमके काम करैत देखके ओकरा आस्‍चरज लाग्‍लै।

१ कोरन्‍थी 16:22

कोइ परभुके परेम नै करतै त उ सरापित हेबे। हे अपनासबके परभु, आबु!

रोमी 2:25

यदि तुसब बेबस्‍था पालन करैचिही त खतना करल फाइदा हेतौ। महज तुसब बेबस्‍था पालन नै करैचिही त, तुसब खतना नै करैबला लोकसब जखा चिही।

लुका 3:11

युहन्‍ना ओकरासबके जबाफ देल्‍कै, “जकरसङे दुइटा जमा छौ, से कोइ नै भेल्‍हाके एकटा दयादेतै, जकरसङे खाइबला चिज छौ से कोइ नै भेल्‍हा सङे बाइटके खेतै।”

याकुब 1:16

हे हमर पिरिय भाइ-भैयासब, तोरौरके आपनेसे धोखा नै खो।