याकुब 1:21 - मध्‍य पुरविया थारू

²¹ अहै खातिर सब एहेन अधलाह आचरन आ नै निक बानी बेबहारसे अलग हो। नम्‌र भ्‍याके तोरौरके हिरदयमे राखल परमेस्‍वरके बचनके आपन बना कथिलेत ओहैसे तोरौरके उदार कैरसकैछौ।

याकुब 1:21 Referans Kwoze

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

एफिसी 1:13

तहिनङे तु गैर-यहुदीसब मुक्‍ती दैबला सतके बचन अरथात सुसमाचार सुइनके खिरिस्‍टमे बिस्‍बास करलिही। आपन परतिग्‍या करलहा पबितर आत्‍माके छाप तोरासबके लग्‍यादेनेछौ।

१ पतरुस 2:11

हे पिरिय भाइसब, यि सन्‍सारमे तुसब बिदेसी आ परदेसी जखा चिही। हम तोरासबके बिन्‍ती करैचियौ, देहके अधलाह इक्‍छासब पुरा करै दिसन नै लाग। एहेन परकारके इक्‍छासब तोरासबके आत्‍माके बिरोधमे उठतौ।

युहन्‍ना 6:63

जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

१ पतरुस 2:1

अहैलेल तुसब दुस्‍टतासे, छल-कपटसे, सब डाहसे आ सब निन्‍दासे दुरे रह।

हिबरु 12:1

अहैलेल अतहेक बरका साक्‍छीके भिर अपनासबके चारुदिसन भेलाके कारनसे सब परकारके बाधा आ असान तरिकासे ओझराइबला पापसबके हटाके धिरजसाथ दौरैले परतै।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।

तितस 2:11

कथिलेत परमेस्‍वरके अनुगरह सब लोकसबके मुक्‍ती दैले परकट भेल छै।

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

हिबरु 4:2

कथिलेत अपनोसबके सेहो ओइसबके जखा सुसमाचार परचार करलगेलछै, महज उसब ओइ सुसमाचारमे बिस्‍बास नै करलाके कारन ओकरासबके कुछो फाइदा नै करल्‍कै।

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

१ कोरन्‍थी 15:2

हमर परचार करल उ सुसमाचारमे बिस्‍बास करैले नै छोरबिही त तुसब उदार पाबबिही, नै त तोरासबके करल बिस्‍बास बेरथ हेतौ।

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

युहन्‍ना 6:68

सिमोन पतरुस जबाफ देल्‍कै, “हे परभु, हमसब कते जेबै? अहाँसङे अनन्‍त जिबन दैबला बचन छै।

१ थेसलोनिकी 2:13

हमसब परमेस्‍वरके धन्‍यबाद चरहाइते रहैचियै, कथिलेकी जै परमेस्‍वरके सत बचन हमसब तोरासबके सुनेलियौ तुसब उ बचन लोकसबके चियै कैहके नै महज परमेस्‍वरके सत बचन छै बुइझके गरहन करलिही। उ बचन तोरासबके बिस्‍बासीसबके जिबनमे काम कैर रहल छौ।

२ कोरन्‍थी 7:1

अहैलेल हे हमर पिरिय सङीसब, परमेस्‍वर अपनासबके देल यि परतिग्‍या अनुसार देह आ आत्‍माके असुध बनाबैबला हर किसिमके बातसे अपनासब दुरे रह आ परमेस्‍वरके डर मानैत औरो पबितर हैत चल।

परेरित 13:26

“ऐ, अबराहमके कुलके धियापुता आ ओकरौरके परमेस्‍वरके डर मानैबला चाहे उ आने जातीके कियनै हेबै, कथिलेत यि मुक्‍तीके खबर परमेस्‍वर अपनासबके खातिर पठाइने छै।

१ पतरुस 1:9

कथिलेत तुसब ओकर उपर बिस्‍बास करलासे तुसब आत्‍माके मुक्‍ती पाबनेचिही।

रोमी 11:17

तहिनङे कतहेक काम नै लागैबला ठाइर काइटके फेकल जखा कतहेक यहुदीसब परमेस्‍वरके छोइरके गेलै। महज तु गैर-यहुदीसब जङगली जैतुनके ठाइर जखा भेलोपरभी असल जैतुनके गाछमे कलमी बान्‍हल चिही। आब तुहुसब असल जैतुनके गाछसे सक्‍ति आ जिबनके रस पाबनेचिही।

परेरित 10:33

तब हम तुरन्‍ते अहाँके बोलाइले लोक पठेलियौ आ अहाँ थाकैत-पिराइत अते एलियै। आब हम सबगोरा अते परमेस्‍वरके सामने चियै आ परभु जे कुछ अहाँके कहैले आग्‍या देने छै, से सब बात सुनैले हमसब बैठल चियै।”

मतीके लिखल सुसमाचार 5:5

धैनके चियै नरम स्‍वभाब भेल्‍हालसब, कथिलेत उसब पिरथिबीमे अधिकार करतै।

१ थेसलोनिकी 1:5

कथिलेकी जे सुसमाचार हमसब सुनेलियै उ सब्‍द मातरे नै महज सक्‍तीके साथ, पबितर आत्‍माके साथ आ पुरे निस्‍चयताके साथ एलै। जखन हमसब तोरासबके सङे रहलियै त केहेन चालचलनके जिबन जिलियै से तोरासबके थाहे छौ।

एफिसी 5:4

निरलज, मुरुख आ खराब बचनसब तोरासबके मुहसे नै निक्‍ले, यि बात ठिक नै चियै। बरु अकर बदलामे त परमेस्‍वरके धन्‍यबाद दैबला काम हेबे।

एफिसी 4:25

अहै खातिर आब झुठ बाजैले छोइरदहै। एक-दोसरसङे सच-सच बोल कथिलेत अपनासब सबगोरा खिरिस्‍टके देहके अङसब चियै।

याकुब 5:20

उ लोक जाने कि, एक गोरा पापीके ओकर गलत बाटसे घुमाके लाबैछै त, ओकरा मिरतुके मुहसे बचाइतै आ बहौत पाप छमा पाबैके लेल सहायता करतै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।