याकुब 1:12 - मध्‍य पुरविया थारू

¹² उ लोक धैनके चियै, जे आपत-बिपतमे अस्‍थिर रहैछै, कथिलेकी जाँचके सामना करलाके बाद उ जिबनके मुकुट पाबतै, जे परमेस्‍वरके परेम करैबलासबके परमेस्‍वर दैले परतिग्‍या करने छै।

याकुब 1:12 Referans Kwoze

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

याकुब 5:11

धिरज करैबला लोक आसिस पाबैछै से बात हमसब जानैचियै। अय्‍युब धिरज राखल्‍कै आ परभु ओकरा दया आ किरपा देखाइल्‍कै से बात ओकर जिबनमे अस्‍पस्‍ट देखापरैछै।

रोमी 8:28

अपनासबके थाहछै कि, परमेस्‍वरके परेम करैबला आ ओकर उदेस्‍य अनुसार बोल्‍याल लोकसबके लेल सब बातमे परमेस्‍वर भलाइ करैछै।

मतीके लिखल सुसमाचार 10:22

हमर खातिर तुसब लोकसबसे घिरनित हेब्‍ही। महज जे अन्‍तिम दिनतक स्‍थिर रहतै, उ उदार पाबतै।

१ कोरन्‍थी 9:25

खेलमे भाग लेबेबला खेलारी सब बातमे अनुसासनमे रहैले परैछै। उसब नास हैबला मुकुटके लेल एहेन करैछै, महज हमसब नास नै हैबला मुकुटके लेल एहेन करैचियै।

१ पतरुस 3:14

यदि असल काम कैरतोपरभी दुख भोगैले परतौ त, तुसब आसिस पाबबिही। तहैलेल लोकके धम्‍कीसे नै डरा, नै त चिन्‍ता कर।

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

१ पतरुस 5:4

जब परधान चरबाहा परगट हेतै, तब तुसब सबदिन चम्‍कैबला मुकुट पाबबिही जकर सोभा कहियो नै घटतौ।

१ कोरन्‍थी 2:9

महज पबितर धरमसास्‍तरमे एहेन लिखलछै, “आँखसे नै देखलहा आ कानसे नै सुनलहा आ लोकके मनमे नै चितेल्‍हा, एह्‍या बात परमेस्‍वर ओकरा परेम करैबलासबके लेल तयार करने छै।”

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

१ कोरन्‍थी 8:3

महज जे लोक परमेस्‍वरके परेम करैछै, परमेस्‍वर ओकरा चिन्‍हैछै।

परकास 3:19

जकरा हम परेम करैचियै, तकरा डाटै चियै आ सजाय द्‍याके सुधारैचियै। साच्‍चेके पाप करैले छोर आ हमरलग या।

हिबरु 10:32

बितलहा दिनसबके याद कर, ओइ बखत परमेस्‍वरके ग्‍यान पाइबके तुसब बहुत दुख कस्‍ट भोगलिही, तैयो तुसब हार नै मानलिही।

हिबरु 6:15

तब अबराहम धिरज कैरके असियेलै आ परमेस्‍वरके परतिग्‍या करल आसिस पाबल्‍कै।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

हिबरु 11:17

परमेस्‍वर अबराहमके जाँच करैबेर बिस्‍बासके भरमे अबराहम आपन बेटा इसहाकके बली चरहाइके लेल तयार भेलै। अबराहम परतिग्‍या करल चिज त पाबने छेलै, तैयो उ आपन एकलौता बेटाके बली चरहाइके लेल तयार भेलै।

१ युहन्‍ना 4:19

हमसब एक-दोसरके परेम करैचियै कथिलेकी परमेस्‍वर हमरासबके पहनिये परेम करल्‍कै।

हिबरु 12:5

कि परमेस्‍वर तोरासबके आपन बेटा जखा माइनके देल उपदेस बिसैरगेल चिही? उ कहल्‍कै, “हे हमर बेटा, परभुके अनुसासनके तुसब बेरथके नै समझ, उ तोरासबके गल्‍तीमे हप्‍काइछौ त निरास नै हो,

लुका 6:22

“धैन तुसब, मानबके बेटाके खातिर तोरासबके घिरना करतौ, समाजसे बहिस्‍कार करतौ, निन्‍दा करतौ आ बदनाम करतौ त तुसब धैनके हेब्‍ही।

रोमी 5:4

सहनसिलतासे अपनासबके असल चरितर बनाइछै आ असल चरितरसे आसा उतपन करैछै।

२ तिमोथी 2:15

सरममे नै परैबला आ सतके बचनके ठिकसे चलाबैबला कामदार जखा आपनेके परमेस्‍वरमे गरहन हैकेलेल एकदमसे कोसिस कर।

१ पतरुस 4:14

खिरिस्‍टके पछा चलैके कारन तोरासबके अपमान करैछौ त, तुसब धन्‍यके चिही, कथिलेकी परमेस्‍वरके महिमीत आत्‍मा तोरासबमे रहैछौ।