हिबरु 9:24 - मध्‍य पुरविया थारू

²⁴ खिरिस्‍ट त लोकसबके हाथसे बनल पबितर ठाममे नै ढुकलै, जे सत पबितर ठामके नमुना मातरे चियै, महज उ स्‍वरग भितर ढुकलै आ अखुन अपनासबके लेल परमेस्‍वरके अगा ठारभेल छै।

हिबरु 9:24 Referans Kwoze

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

हिबरु 9:23

जे चिज स्‍वरगके चिजसबके परतिरुप मातरे छेलै यदि ओकरा सुध करैले एहैन किसिमके बिधीके आबस्‍यक छेलै त, स्‍वरगके चिजसबके सुध करैले ओहौसे असल बलिदानके आबस्‍यक छेलै।

हिबरु 8:2

उ महापबितर ठाममे परधान पुजारी भ्‍याके सेबाके काम करैछै। उ साँचो महापबितर ठाम त लोकसब नै बनाइनेछै, महज परभु आपनेसे बनाइनेछै।

युहन्‍ना 16:28

हम पितालगसे सन्‍सारमे एलचियै, आब फेनो सन्‍सार छोइरके पितालग घुइमके ज्‍यारहल चियै।”

कलस्‍सी 3:2

पिरथिबीके बातसबमे नै महज स्‍वरगके बातमे आपन मन लगा।

रोमी 8:33

परमेस्‍वरके चुनल लोकसबके के दोस लगाइले सक्‍तै? कोइ नै सक्‍तै, कथिलेकी उ आपनेसे ओकरासबके आपन अगा धरमी ठहरेनेछै।

परेरित 3:21

परमेस्‍वर पहिनेसे आपन पबितर अगमबक्‍तासबके मुहसे बोलल्‍हा सब चिजके पुनरअस्‍थापन हैबला बखत नै आबेतक खिरिस्‍टके स्‍वरगमे रहेपरतै।

लुका 24:51

आसिरबाद दैतकाल, येसु उसबसे बिदा भेलै आ स्‍वरग दिसन उठ्‍यालगेलै।

मरकुस 16:19

तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

मरकुस 14:58

“हमसब सुनलियै कि, ‘लोकके हाथसे बन्‍याल यि मन्‍दिरके तोइर देबौ आ तिन दिनमे लोकके हाथसे नै बनल दोसर मन्‍दिर निरमान करबौ।’”

परकास 8:3

सोनाके धुपदानी बोक्‍ने दोसर एकटा स्‍वरगदुत आइबके बेदीके कातमे ठार भेलै। सिंहासनके अगा भेल सोनाके बेदीमे परमेस्‍वरके जनसबके परथनासङे चरहाबैके लेल ओकरा बहुत गमकैबला धुप देल्‍कै।

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

हिबरु 9:9

यि त अखुनके समयमे अपनासबके देखैबला एकटा नमुना मातरे चियै। परमेस्‍वरके चरहाबैबला भेटी आ बलीसबसे आराधना करैबला लोकसबके हिरदय सुध करैले नै सक्‍तै।

हिबरु 8:5

ओइसबके करैबला काम त स्‍वरगमे भेल बातके नकल आ छाह मातरे चियै। कथिलेत मोसा पबितर पाल बनाइ बखत परमेस्‍वरसे एहेन आग्‍या पाबने छेलै, “देख, पहारमे तोरा देख्‍याल नमुना बमोजिम तु सबचिज बनाइहे।”

हिबरु 6:20

अपनासबसे लेल येसु त पहिने ओइ ठाममे गेल छै। मल्‍कीसेदेक पुजारी जखा उ सबदिनके लेल अपनासबके खातिर परधान पुजारी भेलछै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

युहन्‍ना 6:62

जब तुसब मानबके बेटाके जतेसे एलछेलै ओतै जाइत देखबिही त तुसब कथी करबही?

मतीके लिखल सुसमाचार 18:10

“होसियार रह, यि छोट बच्‍चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्‍वरगदुतसब स्‍वरगमे रहैबला हमर पिताके अगामे रहैछै।

२ कोरन्‍थी 5:1

हमरासबके थाहछै कि हमसबके यि बास करल नासबान देह पाल जखा चियै, जे एक दिन नास हेतै तैयो परमेस्‍वरके देल देह स्‍वरगमे अनन्‍ततक रहैबला घर जखा हेतै, जे लोकके हाथसे नै बनलछै।

हिबरु 4:14

स्‍वरगमे गेल परमेस्‍वरके बेटा येसु अपनासबके महान परधान पुजारी भेलाके कारन अपनासब ओकरमे करल बिस्‍बासमे असथिर भ्‍याके रह।

हिबरु 9:1

पहिनेके करारमे परमेस्‍वरके आराधना करैले धारमिक नियमसब राखल छेलै। सन्‍सारमे लोकसबके बन्‍याल एकटा आराधना करैबला ठाम सेहो छेलै।