येसु खिरिस्ट अपनासबके सब पापसबसे मुक्तीदैले आ सब खराबिसबसे छुटकारा दैले आपन परान निछावर करल्कै। उ यि चाहल्कै कि हमसब असल काममे उत्सुक हेबी आ ओकर अपने निज लोक हेबेसकी।
यदि पसुके बलीसे पुरा सुध करैले सकतियै त बेर-बेर बली चरहाइले नै परतियै। कथिलेकी ओइसे बली चरहाइबलासब सुध हेतियै त सबदिनके लेल एके बेरमे सुध हेतियै आ ओकरासबके बिबेकमे पाप नै रहतियै।
कथिलेकी जब हमसब तोरासबलग एलियौ त तुसब कनङके हमरासबके स्वागत कैल्ही आ जिबित आ सत परमेस्वरके सेबा करैके लेल कनङके मुरतिपुजा करैले छोइरदेल्ही से बात त लोकसब आपने कहैछै।
कौवासबके देख, नै त उसब बिचहन छिटैछै, नै काटैछै, ओकरासबके नै त भन्डार नै बखारी छै, महज तैयौ परमेस्वर ओकरासबके खियाबैछै। तुसब त ओइ चिरै-चुरगुनसे बहुत मुल्यबान चिही!