हिबरु 9:11 - मध्‍य पुरविया थारू

¹¹ महज खिरिस्‍ट अखुन अपनासबसङे भेल सब असल बातसबके परधान पुजारी भ्‍याके एलै। उ औरो असल आ सिध पालमे गेलै, जे लोकके हाथसे बनल नै छै अरथात सिरिस्‍टी करल अइ सन्‍सारके चिजो नै चियै।

हिबरु 9:11 Referans Kwoze

२ कोरन्‍थी 5:1

हमरासबके थाहछै कि हमसबके यि बास करल नासबान देह पाल जखा चियै, जे एक दिन नास हेतै तैयो परमेस्‍वरके देल देह स्‍वरगमे अनन्‍ततक रहैबला घर जखा हेतै, जे लोकके हाथसे नै बनलछै।

हिबरु 10:1

मोसाके बेबस्‍था आबैबला उतम बातसबके खास रुप नै चियै, महज उ त छाह मातरे चियै। ओहैसे साले-साल चरहाइबला एके किसिमके बलीसे परमेस्‍वरके लग आबैबला लोकसबके सिध करैले नै सक्‍तै।

मरकुस 14:58

“हमसब सुनलियै कि, ‘लोकके हाथसे बन्‍याल यि मन्‍दिरके तोइर देबौ आ तिन दिनमे लोकके हाथसे नै बनल दोसर मन्‍दिर निरमान करबौ।’”

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

हिबरु 2:17

ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

परेरित 7:48

महज महान परमेस्‍वर त लोकसबके हाथसे बन्‍याल घरसबमे बास नै करैछै। अगमबक्‍ताके किताबमे अहिनङ कहनेछै-

२ युहन्‍ना 1:7

कथिलेत बहुतो धोखा दैबलासब सन्‍सारके बहुतो ठामसबमे पुइगगेल छै, जेसब येसु खिरिस्‍ट देहधारी भेल छै कैहके नै सुइकारैछै। एहैन लोकसब धोखा दैबला आ खिरिस्‍ट बिरोधी चियै।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

युहन्‍ना 4:25

यि बात सुइनके सामरी जनी कहल्‍कै, “हम जानैचियै कि मसिह (जकरा ‘खिरिस्‍ट’ कहैछै) आबैबलाछै। उ आइबके सब बात हमरासबके बुझ्‍यादेतै।”

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

हिबरु 7:1

मल्‍कीसेदेक सालोम सहरके रजा आ महान परमेस्‍वरके पुजारी छेलै। जखैन अबराहम रजासबके लराइमे जितके घुइमके आबैत रहै तखैन मल्‍कीसेदेक ओकरा भेटके आसिरबाद देल्‍कै।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।

कलस्‍सी 2:11

तुसब खिरिस्‍टमे होनाइ साँचोके खतना पाबनाइ चियौ। लोकके हाथसे लगाइबला खतना नै महज खिरिस्‍टसे खतना भेलचिही। यि खतना तोरासबके पाप स्‍वभाबके सक्‍तीसे छुटकरा पाबैके लेल चियै।

मतीके लिखल सुसमाचार 11:3

“उ जे आबैबला छै, से अहै चियै, कि हमसब दोसरके पेरा ताकु?”

मतीके लिखल सुसमाचार 2:6

‘ऐ बेथलेहेम, यहुदिया परदेसके गाम! तु कोनो परकारसे यहुदिया परदेसके मुख नगरसबमेसे सासन करैबलासबमेसे ककरोसे कमजोर नै चिही, कथिलेत तोहरसे एक गोरा सासन करैबलाके जलम हेतौ, से हमर इजराएलके लोकसबके रखबारी करतै।’”

२ कोरन्‍थी 4:18

हमसब देखैबला चिजसबमे नै, महज नै देखैबला चिजसबमे मन लगाइचियै, कथिलेकी जे चिजसब देखैबला छै, उ कुछ समयके लेल मातरे रहैछै, महज जे चिजसब नै देखाइछै उ सबदिनके लेल रहैछै।

हिबरु 12:27

“औरो एकबेर” कहल बात यि देखाबैछै कि हिलाबैले सकैबला अरथात सिरिस्‍टी करल चिजसब हटाइतै, महज हिलाबैले नै सकैबला चिजसब अस्‍थिर रहतै।

हिबरु 13:14

कथिलेकी अइ सन्‍सारमे अपनासबके लेल सबदिन रहैबला सहर नै छै, महज आबैबला सहरके बाट ताकैचियै।