हिबरु 9:10 - मध्‍य पुरविया थारू

¹⁰ यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।

हिबरु 9:10 Referans Kwoze

कलस्‍सी 2:16

अहै खातिर खान-पिन या पाबैनके दिन या अमसियाके दिन कि पबितर बिसराम दिन मानैके बिसयमे कोइ दोस लगाइछौ त, ओहेन बातसबमे धियाने नै लगा।

एफिसी 2:15

उ यहुदी आ गैर-यहुदीसबके सान्‍ती दैले आ ओकरमे लबका जाती बनाइले कुरूसमे मैरके बेबस्‍था आ नियमके रध करल्‍कै,

हिबरु 7:16

येसु लोकसबके देल आग्‍या आ नियमके आधारमे पुजारी नै भेलछै, महज कहियो नास नै हैबला जिबनके सक्‍तीके आधारमे पुजारी भेलछै।

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

हिबरु 9:1

पहिनेके करारमे परमेस्‍वरके आराधना करैले धारमिक नियमसब राखल छेलै। सन्‍सारमे लोकसबके बन्‍याल एकटा आराधना करैबला ठाम सेहो छेलै।

हिबरु 6:5

परमेस्‍वरके उतम बचनके आ आबैबला जुगके लेल हैबला सक्‍तीसाली कामसब देखल

हिबरु 2:5

हमसब चरचा कैररहल आबैबला सन्‍सारके परमेस्‍वर स्‍वरगदुतसबके अधिनमे नै राखनेछै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

हिबरु 6:2

बहुत किसिमके बप्‍तिस्‍माके बारेमे सिक्‍छा, हाथ राखैबला काम, मरलसे जियैबला बात आ कहियो खतम नै हैबला दन्‍डके बारेमे तोरासबके सिखाइते नै रहेपरतौ।

एफिसी 1:10

समयमे पुरा भेलाके बाद स्‍वरग आ पिरथिबीमे सिरिस्‍टी भेल्‍हा सब चिज खिरिस्‍टके अधिनमे आबे।

गलाती 4:9

महज आब त तुसब परमेस्‍वरके चिन्‍हनेचिही या परमेस्‍वर तोरासबके चिन्‍हने छौ। महज तुसब कनङ फेर अइ सन्‍सारके कमजोर रितिरिबाज दिसन लागैचिही आ कथिले ओइसबके दास बनैले चाहैचिही?

मरकुस 7:4

बजारसे एलाकेबाद अस्‍लान कैरके मातरे खाइछेलै। अतबे नै, औरो परम्‍परासब: थारी-बाटी, लोटा, भाड़-कुड़सब धोवेबला चलन छेलै।

हिबरु 7:12

कथिलेत पुजारी पद फेरैबखत बेबस्‍था सेहो फेरैएपरैछै।