हिबरु 7:19 - मध्‍य पुरविया थारू

¹⁹ कथिलेत उ बेबस्‍था त कोनो लोकके सिध बनाइले नै सकल्‍कै महज आब त ओहौसे असल दोसर आसा अपनासबके देलगेलछै, जे अपनासबके परमेस्‍वरके औरो लगमे पुगाइछै।

हिबरु 7:19 Referans Kwoze

परेरित 13:39

येसुमे बिस्‍बास करैबला जतहेक छै से सब पापसे छुटकारा पाबने छै, जे बात मोसोके लिखल धरम-नियमसे पुरा करे नै सक्‍ने रहै।

हिबरु 4:16

अहैलेल अपनासब परमेस्‍वरके अनुगरहके सिंहासनके अगा निडर भ्‍याके चल आ खाचो परलहा समयमे सहायता पाबैके लेल किरपा आ अनुगरह पाबैले सकी।

हिबरु 9:9

यि त अखुनके समयमे अपनासबके देखैबला एकटा नमुना मातरे चियै। परमेस्‍वरके चरहाबैबला भेटी आ बलीसबसे आराधना करैबला लोकसबके हिरदय सुध करैले नै सक्‍तै।

रोमी 8:3

बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

हिबरु 11:40

कथिलेत परमेस्‍वर अपनासबके लेल अहौसे उतम चिजके योजना करने छेलै। अपनासबसङे उसब सेहो सि‍द्‍व हेबे कैहके ओकर इक्‍छा छेलै।

हिबरु 10:1

मोसाके बेबस्‍था आबैबला उतम बातसबके खास रुप नै चियै, महज उ त छाह मातरे चियै। ओहैसे साले-साल चरहाइबला एके किसिमके बलीसे परमेस्‍वरके लग आबैबला लोकसबके सिध करैले नै सक्‍तै।

हिबरु 6:18

परमेस्‍वरके करल परतिग्‍या आ खेल किरिया यि दुनुबात कहियो नै बदल्‍तै, कथिलेकी परमेस्‍वर झुठ नै बोलैछै। अहैलेल ओकरमे सरन लैबलासब अपनासबके अगा राखल आसा पाबैले बरका हौसला पाबनेचियै।

रोमी 5:2

खिरिस्‍ट हमरासबके बिस्‍बास दुवारा परमेस्‍वरके अनुगरहमे लाबने छै। यह्‍या अनुगरहके हमसब अखुन अनुभव करैचियै आ परमेस्‍वरके महिमामे सहभागी हैके आसमे आनन्‍द मनाबैचियै।

हिबरु 8:6

महज येसुके भेटल सेबाके काम औरो पुजारीसबके कामसे एकदमे सेरेस्‍ठछै। ओहिनङे परमेस्‍वर आ ओकर लोकसबके बिचमे येसुके बान्‍हल लबका करार पुरन्‍का करारसे सेरेस्‍ठछै, कथिलेत यि करारके जग उतम परतिग्‍यासबमे आधारितछै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

हिबरु 7:11

मोसाके बेबस्‍था अनुसार लेबीके कुलके लोक पुजारी हैके अधिकार पाबने छेलै, महज ओइसबके कामसे सब लोकसबके सिध करैले नै सक्‍लै। ओहैसे लेबी कुलके हारुनके सन्‍तानसे पुजारी नै भ्‍याके मल्‍कीसेदेक जखा दोसर पुजारीके खाचो नै परतियै।

१ तिमोथी 1:1

हमरा मुक्‍ती दैबला परमेस्‍वर आ आसा दैबला येसु खिरिस्‍टके आग्‍या अनुसार नियुक्‍त भेल हम पावल, येसु खिरिस्‍टके परेरित यि चिठी

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

एफिसी 3:12

येसु खिरिस्‍टमे बिस्‍बास करैके कारन हमसब साहस आ भरोसाके साथ परमेस्‍वरके अगा आबैले पाबैचियै।

गलाती 3:24

तैल्‍याके बिस्‍बाससे हमसब धरमी ठहरैले सकि कैहके खिरिस्‍ट आबैसे पहिने बेबस्‍था अपनासबके खिरिस्‍टतक पुगाइबला गारजन भेलै।

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

रोमी 7:7

ओनङ चियै त हमसब आब कथि कहबै? कि बेबस्‍था पाप चियै त? ओनङ नै चियै। बेबस्‍था नै रहतियै त पाप कथि चियै से हम थाहे नै पाबतियै, कथिलेत “तु लोभ नै कर” कैहके बेबस्‍था नै कहने रहतियै त लोभ नै करैके हैछै कैहके हम थाहे नै पाबतियै।

गलाती 3:21

तब कि बेबस्‍था परमेस्‍वरके परतिग्‍याके बिरोधमे छै त? कदापी नै। यदि बेबस्‍था पालन कैरके लोकसब अनन्‍त जिबन पाबैले सक्‍तियै त, बेबस्‍थे लोकसबके परमेस्‍वरके अगा धरमी ठहराइतियै।

हिबरु 3:6

महज खिरिस्‍ट त घरके अधिकार पाबल बिस्‍बासयोग्‍य बेटा भ्‍याके सेबा करल्‍कै। यदि हमसब आपन आसामे अन्‍तिमतक भरोसा आ गर्‌भ कैरते रहबै त अपनोसब परमेस्‍वरके घरके सदस हेबै।

हिबरु 7:20

परमेस्‍वर औरो पुजारीसबके नियुक्‍त करैतखिना किरिया नै खेल्‍कै महज येसुके पुजारी नियुक्‍त करैतखिना किरिया खेल्‍कै।

हिबरु 11:6

बिस्‍बास बिना परमेस्‍वरके खुसी करनाइ असम्‍भवछै, कथिलेकी जे परमेस्‍वरके नजदिक आबैछै, उ परमेस्‍वर छै आ ओकरा खोजैबलासबके इनाम देतै कैहके पक्‍का बिस्‍बास करेपरतै।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।