हिबरु 6:8 - मध्‍य पुरविया थारू

⁸ महज औरो लोक काट आ कुस उबजाबैबला जमिन जखा हैछै। उ जमिन बेकार हैछै। एहैन जमिनमे त परमेस्‍वरके सराप परे सकैछै आ अन्‍तमे आइगसे नास हेतै।

हिबरु 6:8 Referans Kwoze

युहन्‍ना 15:6

यदी कोइ हमरमे नै रहतै त, उ काटल ठाइर जखा बाहर फेकल जेतै आ उ सुइख जेतै। एहेन ठारइरसबके लोकसब एक ठाममे जम्‍मा कैरके आइगमे झोइक दैछै आ उ डैहजेतै।

हिबरु 12:17

तोरासबके थाहेछौ कि, पाछुसे उ आपन बाबुसे आसिरबाद लैले चाहल्‍कै महज लेबे नै सक्‍लै। कथिलेकी पस्‍चाताप करैके मौका नै पाबल्‍कै तैयो उ लोर बहाके आसिरबाद लैले चाहल्‍कै।

हिबरु 10:27

महज पाप करैबलासब डराइते परमेस्‍वरके इन्‍साफके असियाल रहतै आ परमेस्‍वर आपन बिरोधीसबके जरैत आइगमे नास करतै।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

मरकुस 11:21

तब पतरुस पहिन्‍का घटना समझल्‍कै आ येसुके कहल्‍कै, “गुरु जी, देखु, अहाँके सराप देल्‍हा गाछ सुइख गेलछै।”

मरकुस 11:14

तब येसु ओइ गाछके कहल्‍कै, “आबसे तोहर गाछमे कहियो फल नै फरे।” ओकर कहल यि बात चेलासब सुइन लेल्‍कै।

मतीके लिखल सुसमाचार 7:19

असल फल नै फराइबला सब गाछ काइटके आइगमे फेकल जेतै।

मतीके लिखल सुसमाचार 3:10

अखुन गाछके जैरमे कुरहाइर परे लागल छै, कथिलेत असल फल नै फरैबला सबगाछ काइटके आइगमे फेकल जेतै।

मतीके लिखल सुसमाचार 25:41

“तकरबाद उ आपन बमा कता भेल्‍हासबके कहतै, हे परमेस्‍वरसे सराप पाबलाहा लोकसब। हमरसे दुर चैल जो! सैतान आ ओकर दुतसबके लेल तैयार करल कहियो नै मुझाइबला आइगमे चैल जो।