हिबरु 6:4 - मध्‍य पुरविया थारू

⁴ कथिलेत उसब, जे एकबेर परमेस्‍वरके इजोत पाबनेछै, स्‍वरगके बरदानके सबाद पाबनेछै आ पबितर आत्‍मामे सहभागी भेलछै,

हिबरु 6:4 Referans Kwoze

मतीके लिखल सुसमाचार 5:13

“तुसब पिरथिबीके नोन चिही, महज नोनके सबाद उइरजेतै त फेनो कोन चिजसे नोनगर हेतै? उ त काम नै लागैबला भ्‍याके फेकलजेतौ आ लोकसब ओकरा आपन टाङसे धाङै बाहेक औरो कोनो कामके नै हेतौ।

युहन्‍ना 15:6

यदी कोइ हमरमे नै रहतै त, उ काटल ठाइर जखा बाहर फेकल जेतै आ उ सुइख जेतै। एहेन ठारइरसबके लोकसब एक ठाममे जम्‍मा कैरके आइगमे झोइक दैछै आ उ डैहजेतै।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

युहन्‍ना 3:27

युहन्‍ना जबाफ देल्‍कै, “जाबेतक परमेस्‍वरसे नै देतै ताबे तक लोकके कुछो नै मिल्‍तै।

हिबरु 10:32

बितलहा दिनसबके याद कर, ओइ बखत परमेस्‍वरके ग्‍यान पाइबके तुसब बहुत दुख कस्‍ट भोगलिही, तैयो तुसब हार नै मानलिही।

मतीके लिखल सुसमाचार 12:45

तब उ ज्‍याके आपनोसे खराब औरो सातटा भुत आत्‍मासबके आइनके भितर ढुइके ओतै बास करैछै। तब ओइ लोकके दसा पहिन्‍कोसे औरो खराब हैछै। यि दुस्‍ट पुस्‍ताके हालत ओहिनङे हेतै।”

गलाती 3:2

हम तोरासबसे एकटा बात पुछैले चाहैचियौ, तुसब कनङके पबितर आत्‍मा पाबलिही? कि तुसब मोसाके बेबस्‍था पालन कैरके पबितर आत्‍मा पाबनेचिही? नै, महज तुसब सुसमाचार सुइनके बिस्‍बास करलासे पबितर आत्‍मा पाबनेचिही।

२ तिमोथी 2:25

उ आपन बिरोधीसबके लरम भ्‍याके सुधारैबला हैकेचाही। भ्‍यासकैछै परमेस्‍वर बिरोधीसबके मन बदैल देतै आ उसब सतके चिन्‍हे सक्‍तै।

१ युहन्‍ना 5:16

कोनो लोक बिस्‍बासीके पाप करैत देखैछै आ उ पापके नतिजा मिरतु नै हेतै त, ओकरलेल परमेस्‍वरसङे परथना कैर दैहे आ परमेस्‍वर ओकरा जिबन देतै। महज मिरतुमे लजाइबला पाप सेहो छै, ओकरलेल परथना कैरदहै कैहके हम नै कहैचियौ।

हिबरु 2:4

परमेस्‍वर बहुतरा चेन्‍हासब देखाके बहुत किसिमके आस्‍चरजके कामसब आ सक्‍तीसाली कामसब करैत उ आपन इक्‍छा बमोजिम पबितर आत्‍माके दान-बरदानसब द्‍याके यि बातके गबाही देल्‍कै।

१ तिमोथी 4:14

जे बरदान अगुवासब आपन हाथ तोहर उपरमे राइखके अगमबानीसे पाबने छेल्‍ही, ओकरा पुरा सदउपयोग कर।

परेरित 11:17

हमसब परभु येसु खिरिस्‍टमे बिस्‍बास करलियै आ परमेस्‍वरसे पबितर आत्‍मा पाबलियै। तैहनङे ओहोसब ओकरा बिस्‍बास करल्‍कै आ ओकरसे पबितर आत्‍मा पाबल्‍कै। अहिनङे परमेस्‍वर आपनेसे पबितर आत्‍मा दैछै त ओकरा रोके सकैबला हम के चियै?”

एफिसी 4:7

महज खिरिस्‍ट आपन अनुगरहके बरदान त आपन नाप अनुसार सब कोइके देनेछै।

एफिसी 3:7

परमेस्‍वरके बरदानसे हम सुसमाचार परचार करैबला सेबक भेलियै, यि बरदान उ आपन सक्‍तीके काम अनुसार हमरा देल्‍कै।

परेरित 10:45

परमेस्‍वर आपन पबितर आत्‍मा गैर-यहुदीके लोकसब उपर भरैत देखके पतरुस सङे एल्‍हा यहुदी बिस्‍बासीसब छक्‍क परलै।

परेरित 8:20

महज पतरुस कहल्‍कै, “सत्‍यानास हेबे तु आ तोहर पैसा-कौरी, कथिलेत परमेस्‍वरके बरदान रुपैया-पैसासे किने मिल्‍तै से बिचार करलिही।

युहन्‍ना 6:32

यि बात सुइनके येसु ओइसबके कहल्‍कै, “साँचोके हम तोरासबके कहैचियौ, मोसा तोरासबके स्‍वरगके रोटी नै देनेछौ, महज हमर पिता तोरासबके स्‍वरगके साँचोके रोटी देतौ।

गलाती 3:5

परमेस्‍वर तोरासबके पबितर आत्‍मा देल्‍कौ आ तोरासबके बिचमे अजगुतके कामसब करल्‍कौ। कि तुसब बेबस्‍था पालन कैरके भेलौ? ओनङ त नै महज सुसमाचार सुइनके बिस्‍बास करलासे भेलौ।

परेरित 15:8

मनके बात जानैबला परमेस्‍वर ओकरोसबके आपनेसब जखा पबितर आत्‍मा द्‍याके अहै बातके परमान देल्‍कै कि उ ओकरोसबके सुइकार करल्‍कै।

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

२ तिमोथी 4:14

लोहाके काम करैबला अलेक्‍जेन्‍डर हमरा बहौत नै निक करल्‍कै। ओकर करल कामके फल परभुवे ओकरा देतै।

रोमी 1:11

पबितर आत्‍मासे मिलल आसिस तोरासबसङे बाइटके बिस्‍बासमे बलगर बनाइले सकी कैहके तोरासबसे भेटैके खुब इक्‍छाछै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।