हिबरु 6:10 - मध्‍य पुरविया थारू

¹⁰ तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

हिबरु 6:10 Referans Kwoze

मतीके लिखल सुसमाचार 10:42

जे हमर छोटसे छोट चेलासबमेसे ककरो हमर चेला कैहके एक लोटा जुर पानी पियैले देतै त, हम साँचेके कहैचियै उ आपन इनाम नै गुमाइतै।”

हिबरु 13:16

एक दोसरके भलाइ करैले आ आपनसङे भेल चिज बाटचुट करैले नै भुल, कथिलेत अहिनङे बलीसबमे परमेस्‍वर परसन्‍न हैछै।

गलाती 6:10

तैखातिर मौका भेटैत मातर सबकोइके भलाइ कैरते चल, खास कैरके खिरिस्‍टमे बिस्‍बास करल परिबारसबके।

परेरित 10:4

करनेलियस स्‍वरगदुत दिसन डेरा-डेराके ताकल्‍कै आ कहल्‍कै, “कहु परभु” स्‍वरगदुत कहल्‍कै, “तोहर परथना आ गरिबसबके उपर देख्‍याल दयाके कामसब परमेस्‍वर देख्‍ने छौ। परमेस्‍वर तोहर सब असल कामके भेटीके रुपमे सुइकार करनेछौ।

१ थेसलोनिकी 1:3

बिस्‍बाससे करल तोरासबके काम, परेमसे करल तोरासबके मेहनत आ आपन परभु येसु खिरिस्‍टके आसामे करल तोहरसबके सहनसिलता हमसब परमेस्‍वर आ पिताके अगा परथनामे हरदम सम्‍झैत रहैचियौ।

कलस्‍सी 3:17

तुसब किछो कहबिही तैयो, किछो करबिही तैयो सब बात परभु येसुके नाममे कर तब ओकरेसे परमेस्‍वर पिताके धन्‍यबाद चरहा।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

मरकुस 9:41

साच्‍चे हम तोरासबके कहैचियौ, हमर नाममे जे कोइ तोरासबके खिरिस्‍टके लोक चियै से कैहके एक लोटा पानी पियैले देतौ, उ अबस्‍ले इनाम पाबतै।”

रोमी 12:13

खिरिस्‍टके पबितर जनसबके खाचोमे मदत कर आ घरमे एल मेजमानसबके सेबा-सत्‍कार कर।

परेरित 11:29

तब अगाबसके भबिसबानी सुइनके परभुके बिस्‍बासीसब यहुदिया इलाकामे रहैबलासबके मदत करैके खातिर उसब जतहेक सक्‍तै ततहेक भेटी पठाइले बिचार करल्‍कै।

गलाती 5:13

भाइ-भैयासब, तुसब स्‍वतन्‍तर हैले बोल्‍याल गेलचिही। यि स्‍वतन्‍तरताके आपन पाप स्‍वभाबके इक्‍छा पुरा करैले परयोग नै कर। बरु परेमसे एक दोसरके भलाइ कर।

परेरित 10:31

आ कहल्‍कै, ‘करनेलियस, परमेस्‍वर तोहर परथना सुन्‍नेछौ आ तोहे गरिबसबके दान करल असल कामसब उ जानैछै।

युहन्‍ना 13:20

साँचोके हम तोरासबके कहैचियौ, जे हमर पठेल्‍हा लोकके सुइकार करैछै, उ हमरा सुइकार करैछै आ जे हमरा सुइकार करैछै, उ हमरा पठाइबलाके सुइकार करैछै।”

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

२ कोरन्‍थी 9:1

यहुदियामे रहल बिस्‍बासीसबके लेल पठेल्‍हा भेटीके बारेमे तोरासबके लिखैले कोनो आबसेक नै छै।

१ युहन्‍ना 1:9

यदि अपनासब आपन पाप परमेस्‍वरके अगा सुइकार करबिही त, उ अपनासबके पाप छमा करतौ आ सब अधरमसे सुध करतौ कथिलेत उ बिस्‍बासयोग्‍य आ धरमी छै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

हिबरु 10:32

बितलहा दिनसबके याद कर, ओइ बखत परमेस्‍वरके ग्‍यान पाइबके तुसब बहुत दुख कस्‍ट भोगलिही, तैयो तुसब हार नै मानलिही।

मतीके लिखल सुसमाचार 20:7

उसब जबाब देल्‍कै, ‘हमरासबके अखुनतक कोइ नै बारीमे काम करैके लेल अरहाइल्‍कै।’ उ गिरहत ओइसबके कहल्‍कै, ‘तुहुसब हमर अङगुर बारीमे ज्‍याके काम कर।’

मतीके लिखल सुसमाचार 25:17

ओहिनङ दुइटा डलर पाबैबला नोकर सेहो औरो दुइटा सोनाके डलर कमाइल्‍कै।