हिबरु 5:12 - मध्‍य पुरविया थारू

¹² तोरासबके बिस्‍बास करला अतहेक दिन भेलछौ कि तुसब सिक्‍छक भ्‍याजेबाके चाही, महज अखुनो तोरासबके कोइ कोइ परमेस्‍वरके बचनके छोट छोट बात सिखाबे परलछै। तोरासबके ठोस भोजन नै, बल्‍की बच्‍चा जखा दुधके आबसेक्‍ताछौ।

हिबरु 5:12 Referans Kwoze

हिबरु 6:1

ओहैसे खिरिस्‍टके बारेमे सुरुमे सिख्‍याल सिक्‍छासब छोइरके अपनासब परिपक सिक्‍छा दिसन बरहु। अपनासब मिरतुमे लजाइबला कामसबसे पस्‍चाताप आ परमेस्‍वरमे बिस्‍बास करैबला बात फेनसे नै कर।

१ पतरुस 2:2

भरखरे जलमल बच्‍चासब दुधके चाहना करल जखा तुहुसब सुध आत्‍मिक बचनके लेल पियासल रह। वेहन करैत जेब्‍ही त तुसब मुक्‍तीमे बरहैत जेब्‍ही।

हिबरु 5:13

माँके दुध मातरे पियैबला बच्‍चे रहैछै आ उ परमेस्‍वरके बचनमे परिपक नै रहैछै ओहैसे असल आ खराब छुटयाबैले नै जान्‍ने रहैछै।

कलस्‍सी 3:16

खिरिस्‍टके बचनसे तोरासबके हिरदय परसस्‍त कैरके भरल रहे। आपन पुरे ग्‍यान-बुइधसे एक दोसरके सिखा आ सल्‍लाह दैबला काम कर। परमेस्‍वरके हिरदयसे धन्‍यबाद दैत भजन, इस्‍तुति-परसन्‍सा आ आत्‍मिक गितसब गाब।

मतीके लिखल सुसमाचार 17:17

तब येसु जबाफ देल्‍कै, “ऐ बिस्‍बास नै करैबला आ दुस्‍ट पुस्‍ता, हम कहियातक तोरासबके सङे रहबौ? कहियातक तोरासबके कमजोर बिस्‍बासके सहैत रहबौ? ओकरा अते हमरलग आन।”

१ पतरुस 4:11

जे बोलैबला बरदान पाबनेछै से परमेस्‍वरके बचनसे बोले। जे सेबा करैछै से परमेस्‍वरके देल सक्‍तिसे सेबा करे ताकी सब कामसे येसु खिरिस्‍ट दुवारा परमेस्‍वरके परसन्‍सा हेबे। ओकर महिमा आ सक्‍ती सबदिन रहे। आमेन।

१ कोरन्‍थी 14:19

मन्‍डलीमे दस हजार सब्‍द आन भसामे बोलेसे त बरु औरो लोक हमर बात बुझे कैहके पाँचटा सब्‍द मातरे बोलैले चाहैचियै।

रोमी 3:2

हरेक तरहसे फाइदे फाइदा छै। सबसे पहिने परमेस्‍वर आपन बचन यहुदीसबके सौप देल्‍कै।

परेरित 7:38

मोसा उजार जगहमे अपनासबके पुरखासबसङे छेलै। ओते स्‍वरगदुत ओकरजरे सिनै परबतमे बोलल छेलै आ स्‍वरगदुतसे पाबल जिबित बचनसब इजराएलीसबके सुनेल्‍कै।

मरकुस 9:19

तब येसु ओकरासबके कहल्‍कै, “ए थेथर पुस्‍ता, कहियातक हम तोरासबके बिचमे रहबौ? कहियातक बिस्‍बासमे कमजोरे रहबिही? तोहर बेटाके हमरलग आन।”

फिलिप्‍पी 3:1

अन्‍तमे भाइ-भैयासब, परभुमे आनन्‍द कर। यि बात तोरासबके घरी-घरी लिखैके लेल हमरा झनझट नै लागैछै आ तोरेसबके सुरक्‍छाके लेल चियौ।

१ कोरन्‍थी 14:20

हे हमर भाइ-भैयासब, तुसब सोच-बिचारमे बचा जखा नै महज परिपक्‍क लोक जखा बन। खराब बातमे ठिक-बेठिक छुटयाबैले नै सकैबला बचा जखा हो।

गलाती 4:3

खिरिस्‍ट आबैसे पहिने हमसब सेहो ओहिनङे छेलियै आ अइ सन्‍सारके रितिरिबाजके अधिनमे छेलियै।

हिबरु 5:11

अकर बारेमे तोरासबके कहैबला बहुतो बातसबछै, महज बुझैबला सक्‍ती मन्‍द भेल छौ, ओहैसे बुझाइले एकदम कठिनछै।

हिबरु 10:32

बितलहा दिनसबके याद कर, ओइ बखत परमेस्‍वरके ग्‍यान पाइबके तुसब बहुत दुख कस्‍ट भोगलिही, तैयो तुसब हार नै मानलिही।