हिबरु 3:5 - मध्‍य पुरविया थारू

⁵ मोसा त परमेस्‍वरके अरह्‍याल बमोजिम ओकर घरमे बिस्‍बासयोग्‍य नोकर भ्‍याके सेबा करल्‍कै। ओकर करल सेबासे भबिस्‍यमे परकट हैबला सत बातके गबाही देल्‍कै।

हिबरु 3:5 Referans Kwoze

हिबरु 3:2

मोसा परमेस्‍वरके लोकसबके सेबा करैले बिस्‍बासयोग्‍य भेल जखा येसु सेहो परमेस्‍वरके देल काममे बिस्‍बासयोग्‍य भेलै।

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

हिबरु 8:5

ओइसबके करैबला काम त स्‍वरगमे भेल बातके नकल आ छाह मातरे चियै। कथिलेत मोसा पबितर पाल बनाइ बखत परमेस्‍वरसे एहेन आग्‍या पाबने छेलै, “देख, पहारमे तोरा देख्‍याल नमुना बमोजिम तु सबचिज बनाइहे।”

१ तिमोथी 1:12

हमर काममे हमरा बल दैबला अपनासबके परभु येसु खिरिस्‍टके हम धन्‍यबाद दैचियै, कथिलेकी हमरमे बिस्‍बास कैरके उ हमरा आपन सेबाके काममे छानल्‍कै।

हिबरु 9:24

खिरिस्‍ट त लोकसबके हाथसे बनल पबितर ठाममे नै ढुकलै, जे सत पबितर ठामके नमुना मातरे चियै, महज उ स्‍वरग भितर ढुकलै आ अखुन अपनासबके लेल परमेस्‍वरके अगा ठारभेल छै।

रोमी 3:21

महज अखुन बेबस्‍था पालन नै कैरके परमेस्‍वर लोकसबके धरमी ठहराइबला बाट देखाइनेछै। अकर बारेमे बेबस्‍थाके किताब आ अगमबक्‍तासब गबाही देनेछै।

युहन्‍ना 5:39

तुसब यि सोइचके धरमसास्‍तर निकसे परहैचिही कि, ओइमे अनन्‍त जिबन छै, महज एह्‍या धरमसास्‍तर हमर बारेमे गबाही दैछै।

लुका 24:44

आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”

लुका 24:27

तब येसु ओइसबके मोसाके किताबसब आ सब अगमबक्‍तासबसे सुरु कैरके, धरमसास्‍तरमे आपन बारेमे लिखल सबबातसबके अरथ असलसे खोइलके बुझादेल्‍कै।

१ कोरन्‍थी 4:2

सेबकसब मालिकके बिस्‍बासयोग्‍य हैलेपरतै।

परेरित 7:37

यि ओह्‍या मोसा चियै, जे इजराएलीसबके कहने रहै, ‘परमेस्‍वर हमरा तोरे सबके खातिर हमर जखा अगमबक्‍ता पठाइतौ।’

लुका 12:42

परभु उतर देल्‍कै, “बफादार आ बुधिमान मुखिया के चियै, जकरा ओकर मालिक आपन घरके सब कामकाजके जिमा देतै आ आपन नोकरसबके ठिक समयमे खाना दैकेलेल खटेतै।

मतीके लिखल सुसमाचार 25:21

मालिक कहल्‍कै, ‘स्‍याबास! तु असल आ बिस्‍बास योग्‍य नोकर चिही। थोरबे चिजमे तु बिस्‍बास योग्‍य रहलिही। आब हम तोरा बहौत चिजके जिमा देबौ। हमरासङे आनन्‍द मना।’

मतीके लिखल सुसमाचार 24:45

“के एहेन बिस्‍बास जोग्‍य आ बुधिमान नोकर चियै जेकर मालिक आपन घरके औरो नोकरसबके मुखिया बनेतै जे उ ठिकसे रेखदेख कैरके ओइसबके समयमे खान-पिनके बेबस्‍था करतै?

हिबरु 1:1

पहिन्‍का जुगमे परमेस्‍वर अपनासबके पिता पुरखासङे अगमबक्‍तासब दुवारा बहुत बेर आ बहुत किसीमसे बोलल छेलै।

हिबरु 3:4

कथिलेत सब घर कोनो न कोनो लोकसे बनल रहैछै, महज सब चिज बनाबैबला त परमेस्‍वरे चियै।

परकास 15:3

उसब अनङ कैहके परमेस्‍वरके दास मोसाके भजन आ थुमाके भजन गाबैछेलै, “हे सरबसक्‍तिमान परभु परमेस्‍वर! अहाँके काम कतेक महान आ अदभुत छै, हे जाती जातीके रजा! अहाँके बाट धारमिक आ सत छै।