हिबरु 2:8 - मध्‍य पुरविया थारू

⁸ अहाँ सब चिज ओकरे अधिनमे राइखदेनेचियै।” परमेस्‍वर “सब चिज ओकरे अधिनमे लाइबदेल्‍कै” अकर अरथ यि चियै कि लोकके अधिनसे कोनो चिज बाहर नै छै। महज अखुनके समयमे हमसब यि बात लोकके अधिनमे भेल नै देखैचियै।

हिबरु 2:8 Referans Kwoze

युहन्‍ना 13:3

येसु जानैछेलै कि पिता हमर हाथमे सबचिज देनेछै आ हम परमेस्‍वरसे एलचियै आ परमेस्‍वर लग ज्‍यारहल चियै।

१ कोरन्‍थी 15:27

कथिलेत पबितर धरमसास्‍तरमे एहेन लिखल छै, “परमेस्‍वर सबकुछ खिरिस्‍टके अधिनमे राइख देनेछै।” महज यि परस्‍ट छै कि “सबकुछ” कहाइके मतलब परमेस्‍वर सबकुछ खिरिस्‍टके अधिनमे राइख देनेछै महज आपने खिरिस्‍टके अधिनमे नै छै।

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।

हिबरु 1:13

महज परमेस्‍वर यि बात कोनो स्‍वरगदुतके कहियो अनङ नै कहल्‍कै, “तु हमर दहिनाकात बैठ जाबे तलिक तोहर सतरुसबके तोहर टाङके निचा नै करबौ।”

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

हिबरु 2:5

हमसब चरचा कैररहल आबैबला सन्‍सारके परमेस्‍वर स्‍वरगदुतसबके अधिनमे नै राखनेछै।

युहन्‍ना 3:35

परमेस्‍वर आपन बेटाके परेम करैछै आ सब चिज ओकरे हाथमे राइखदेनेछै।

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।