हिबरु 2:3 - मध्‍य पुरविया थारू

³ आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

हिबरु 2:3 Referans Kwoze

हिबरु 12:25

होसियार रह, तोरासबसङे बोलैबलाके इन्‍कार नै कर। यदि अइ पिरथिबीके लोकसे देल चेताबनीके इन्‍कार करैबला भागैले नै सक्‍तै त स्‍वरगसे चेताबनी दैबलाके इन्‍कार करबिही त कनङके बाचैले सकबिही?

रोमी 2:3

तु एहेन काम करैबलासबके दोस लगाइचिही, हे लोकसब आपने तु ओहेन कामसब करैचिही। कि तु परमेस्‍वरके नियायसे बचबिही कैहके सोचैचिही?

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

परेरित 4:12

“येसु बाहेक औरो कोइ दोसरमे उदार नै छै, कथिलेत हमरासबके उदार पाबैले स्‍वरगके निचा लोकसबके बिचमे औरो कोनो दोसर नाम नै देनेछै।”

हिबरु 4:11

ओहैसे अपनासब ओइ बिसराम पाबैबला ठाममे ढुकैके खातिर कोसिस कर। यदि अपनोसब इजराएली लोकसब जखा अटेरी हेबै त अपनोसब नास हेबै।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।

लुका 1:2

उसब जे सुरुवेसे बचनके साकछात साक्‍छी आ सेबकसब छेलै, यि बात उसब हमरासबके कहल्‍कै।

परकास 7:10

उसब जोर-जोरसे एहेन कहल्‍कै, “सिंहासनमे बिराजमान हैबला अपनासबके परमेस्‍वर आ थुमासे मुक्‍ती आबैछै।”

तितस 2:11

कथिलेत परमेस्‍वरके अनुगरह सब लोकसबके मुक्‍ती दैले परकट भेल छै।

१ तिमोथी 1:15

यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।

मतीके लिखल सुसमाचार 23:33

“ए साँपसब, बिखधर साँपके बच्‍चासब! तुसब कनङके नरकके दन्‍डसे भागबिही?

हिबरु 4:1

अपनासबके बिसराम देबौ कैहके परमेस्‍वरके करल परतिग्‍या अखुनो छै। ओहैसे होसियार रह आ उ बिसरामके ठाममे ढुकैले तोरासबमेसे कोइ नै छुटे।

परेरित 2:22

“इजराएलके लोकसब, यि बात सुन, नासरतके येसु एहेन लोक छेलै, जकरा परमेस्‍वर सक्‍तिसाली कामसब, अच्‍चमके कामसब आ चेन्‍हासबसे तोरौरके अगा साबित करल्‍कौ। तोरौरके थाहे छौ कि परमेस्‍वर तोरासबके बिचमे यि सब कामसब ओकरसे कराइने छै।

परेरित 1:22

अरथात एहेन लोक जे युहन्‍नाके बप्‍तिस्‍मासे ल्‍याके येसु स्‍वरग उठ्‍याल गेल दिनतक अपनासबसङे छेलै। उ लोक हमरासब सङे-सङे ओकर जि उठैके साक्‍छी हेबेपरतै।”

युहन्‍ना 15:27

तुहुसब हमर बारेमे गबाही देब्‍ही, कथिलेकी तुसब सुरुवेसे हमरसङे चिही।”

लुका 24:19

तब येसु ओइसबके पुछल्‍कै, “कोन घटनासब?” उसब जबाब देल्‍कै, “येसु नासरतके बारेमे, उ एक गोरा अगमबक्‍ता रहै। उ परमेस्‍वर आ लोकसबके सामने काम आ बचनमे सक्‍तिसाली रहै।

मरकुस 1:14

जब युहन्‍ना जहलमे परलै तब येसु गालिल इलाकामे गेलै आ परमेस्‍वरके सुसमाचार परचार करल्‍कै।

१ थेसलोनिकी 5:3

जब लोकसब “सान्‍ती आ सुरक्‍छा” कहैत रहतै, तै बखत जनङ देहभारी भेल जनी बच्‍चाके जल्‍माबैके पिरा उखरैछै तहिनङ अचानक ओइसब उपर आफत एतै आ उसब ओइसे नै बाच्‍बे।

लुका 1:69

उ आपन सेबक दाउदके खन्‍दानमे हमरासबके लेल एकटा सक्‍तिसाली मुक्‍तीदाता ठार करने छै।

मतीके लिखल सुसमाचार 4:17

ओहै बखतसे येसु परचार करैत कहेलाग्‍लै, “पस्‍चाताप कर कथिलेत स्‍वरगके राज नजदिक आइब गेल्‍छौ।”

रोमी 11:14

हमर करल यि सेबासे आपने यहुदी जातिके लोकसबके डाही बनाइले सकी आ ओइसबमेसे कोइ-कोइ पस्‍चाताप कैरके परमेस्‍वरमे बिस्‍बास करे कैहके हमर आसा छै।

१ कोरन्‍थी 1:21

सन्‍सारके लोकसब आपन बुइधसे परमेस्‍वरके चिन्‍हैले नै सक्‍लै, तैल्‍याके उ आपन बुधिमानी योजना अनुसार अपनासबके परचार करल मुरुख बातसबसे बिस्‍बास करैबलासबके बचाइले चाहल्‍कै।

हिबरु 1:1

पहिन्‍का जुगमे परमेस्‍वर अपनासबके पिता पुरखासङे अगमबक्‍तासब दुवारा बहुत बेर आ बहुत किसीमसे बोलल छेलै।

हिबरु 1:14

स्‍वरगदुतसब त परमेस्‍वरके सेबा करैबला आत्‍मासब चियै। परमेस्‍वर ओकरासबके मुक्‍ती पाबैबला लोकसबके सहायता करैके लेल पठाइनेछै।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

१ युहन्‍ना 1:1

सुरुवेसे भेल, हमसब आपने कानसे सुनल, आपने आँखसे देखल यि जिबन दैबला बचनके बिसयमे तोरासबके लिखैचियौ जकरा हमसब गौरसे देख्‍ने चियै आ आपने हाथसे छुबने चियै।

यहुदा 1:17

महज, हे पिरिय भाइ-भैयासब, अपनासबके परभु येसु खिरिस्‍टके परेरितसबके पहिने कहलहा बातसब याद कर।