हिबरु 2:17 - मध्‍य पुरविया थारू

¹⁷ ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

हिबरु 2:17 Referans Kwoze

हिबरु 4:14

स्‍वरगमे गेल परमेस्‍वरके बेटा येसु अपनासबके महान परधान पुजारी भेलाके कारन अपनासब ओकरमे करल बिस्‍बासमे असथिर भ्‍याके रह।

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

रोमी 5:10

कथिलेत अपनासब परमेस्‍वरके सतरु भेल बखत ओकर बेटाके मिरतु दुवारा अपनासबके आपनसङे मिलापमे आनल्‍कै। अपनासब ओकर सङी भेलाके कारनसे उ आपन बेटाके जिबनसे अपनासबके बचाइतै।

हिबरु 2:11

लोकसबके पबितर बनाबैबला येसु आ पबितर बन्‍यालगेल सब एकेटा परिबारके चियै। ओहैलेल उ ओइसबके, “आपन भाइ-भैया आ दिदी-बहिनसब” कहैले नै लजाइछै।

हिबरु 3:5

मोसा त परमेस्‍वरके अरह्‍याल बमोजिम ओकर घरमे बिस्‍बासयोग्‍य नोकर भ्‍याके सेबा करल्‍कै। ओकर करल सेबासे भबिस्‍यमे परकट हैबला सत बातके गबाही देल्‍कै।

कलस्‍सी 1:21

एक समयमे तुसब परमेस्‍वरसे दुर छेल्‍ही। दुस्‍ट काम आ बिचार करलाके कारन तुसब परमेस्‍वरके दुस्‍मन छेल्‍ही।

हिबरु 7:28

बेबस्‍था कमजोर लोकसबके परधान पुजारी नियुक्‍त करैछै, महज बेबस्‍थासे पछा एल परतिग्‍यासे परमेस्‍वर आपने बेटाके सबदिनके लेल सिध परधान पुजारी नियुक्‍त करल्‍कै।

एफिसी 2:16

आ दुइ जाती बिचके दुस्‍मनी नास करैले आ एक जाती बनाइले परमेस्‍वरसङे मेल कराइले उ कुरूसमे बलिदान भेलै।

रोमी 15:17

ओहैसे येसु खिरिस्‍टके कारन परमेस्‍वरके लेल हमर करल काममे हम गर्‌भ करैचियै।

हिबरु 3:2

मोसा परमेस्‍वरके लोकसबके सेबा करैले बिस्‍बासयोग्‍य भेल जखा येसु सेहो परमेस्‍वरके देल काममे बिस्‍बासयोग्‍य भेलै।

हिबरु 2:16

साँचोके, येसु स्‍वरगदुतसबके लेल नै, महज अबराहमके सन्‍तानसबके सहायता करैके लेल एलछै।

हिबरु 3:1

ओहैसे परमेस्‍वरके बोलाबट पाबलहा पबितर जनसब, तुसब आपन धियान येसुमे लगा, जकरा अपनासब परेरित आ परधान पुजारी कैहके सुइकार करैचियै।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।

हिबरु 5:1

सब परधान पुजारी परमेस्‍वरके अगा लोकेसबके परतिनिधी करैके लेल लोकेसबमेसे चुनल जाइछै। उ लोकसबके तरफसे परमेस्‍वर लग पापके बलिदान आ भेटी चरहाइले नियुक्‍त हैछै।

हिबरु 5:2

उ अनजान आ खराब बाटमे लागल लोकसबके नम्‌र भ्‍याके सम्‍झाइले सक्‍तै, कथिलेकी उ आपने दुरबलतासे घेराल रहैछै।

हिबरु 5:5

खिरिस्‍ट सेहो परधान पुजारी हैबला आदर आपने नै लेल्‍कै, महज ओकरा यि कहैबला आदर देल्‍कै, “तु हमर पिरिय बेटा चिही आ आइ हम तोहर बाबु भेल चियौ।”

हिबरु 5:10

परमेस्‍वर ओकरा मल्‍कीसेदेक जखा परधान पुजारीके पदमे नियुक्‍त करल्‍कै।

हिबरु 6:20

अपनासबसे लेल येसु त पहिने ओइ ठाममे गेल छै। मल्‍कीसेदेक पुजारी जखा उ सबदिनके लेल अपनासबके खातिर परधान पुजारी भेलछै।

हिबरु 8:1

हमसब यि बात कहैले चाहैचियै कि, अपनासबके एहेन परधान पुजारी छै, जे स्‍वरगके महान परमेस्‍वरके सिंहासनके दहिनाकात बिराजमान छै।

हिबरु 8:3

हरेक परधान पुजारीसब परमेस्‍वरके भेटी आ बलिदान चरहाबैके लेल नियुक्‍त भेल रहैछै। अहैलेल अपनासबके परधान पुजारीसङे कुछ न कुछ चिज चरहाइले परतै।

हिबरु 9:11

महज खिरिस्‍ट अखुन अपनासबसङे भेल सब असल बातसबके परधान पुजारी भ्‍याके एलै। उ औरो असल आ सिध पालमे गेलै, जे लोकके हाथसे बनल नै छै अरथात सिरिस्‍टी करल अइ सन्‍सारके चिजो नै चियै।

हिबरु 10:21

उ परमेस्‍वरके घरमे अधिकार पाबल अपनासबके परधान पुजारी चियै।